Билиҥҥи кэмҥэ тыа сирин култуурунай-сынньанар тэрилтэлэригэр майалар аан бастакынан маннык бырайыакка кыттыстылар. Өрөспүүбүлүкэ үрдүнэн «Пушкин каартатыгар» холбоспут 10 култуура уонна ускуустуба тэрилтэтэ киирэр. Дьокуускайга уонна Мииринэйгэ ордук көхтөөхтөр.
Барыта 16 тыһ.тахса «Пушкин каартата» регистрацияламмыта биллэр. Итини таһынан эбии 217 каарта регистрацияламмыт, ол иһигэр Дьокуускайга – 142, Нерюнгрига – 36, Мииринэйгэ – 14, Өлүөхүмэҕэ – 14, Ленскэйгэ – 11.
Каартанан 14-тэн 22-гэр диэри оскуола үөрэнээччилэрэ уонна устудьуоннар быыстапкаҕа эбэтэр тыйаатырга сылдьыахтарын сөп. Сыл бүтэһигэр диэри Пушкин каартатын афишатыгар киирбит 60 тэрээһин (испэктээктэр, быыстапкалар, тематическай экскурсиялар, квест оонньуулар, маастар-кылаастар) Култуура.РФ порталга бааллар.
Каартаны ыларга «Гоуслуги» порталга киирэн регистрацияланаҕыт. Анал сыһыарыыны хачайдаан ылан туруорунаҕыт уонна баҕарар тэрээһиҥҥэ билиэти атыылаһар кыахтанаҕыт.
-
0
-
0
-
0
-
0
-
0
-
0
