Ол курдук, үлэ, тыыл бэтэрээннэрэ, 90 саастаах Мария Семеновна Прокопьева (олорооччулартан төрдүс), Иннокентий Васильевич Кардашевскай (ортоку олорор), 87 саастаах Мария Семеновна Софронова (бүтэһик турар сэлээппэлээх), 86 саастаах Парасковья Емельяновна Степанова (бастакы олорор), 84 саастаах Елена Егоровна Попова (иккис олорор), 81 саастаах Иван Николаевич Харитонов (үөһэ иккис турар), 78 саастаах Люция Тарасовна Егорова (аллара бастакы турар) бочуоттаах ыалдьыт буоллулар.
90 сааһын томточчу туолбут Герой ийэ, үлэ, тыыл бэтэрээнэ Мария Семеновна Прокопьеваҕа РФ Президенэ В.В. Путин, СӨ Ил Дархана А.С. Николаев, Үөһээ Бүлүү улууһун баһылыга В.С. Поскачин Эҕэрдэ суруктарын, Ил Дархан илии баттааһыннаах Саха АССР төрүттэммитэ 100 сыллаах үбүлүөйдээх бэлиэни үөрүүлээх быһыыга-майгыга туттардыбыт .
Ытык кырдьаҕастарбыт ирэ-хоро кэпсэтэн, астынан тарҕастылар .
СӨ норуотун хаһаайыстыбатын үтүөлээх үлэһитэ И.Е. Чыычахап сиэр-туом быһыытынан алҕаан, быйаҥ сайын кэлэригэр уонна ытык кырдьаҕастарбыт өссө уһуннук олороллоругар баҕаран, арчылаан, саҥа сылы арыйда .
Ыһыах аһыллыытын кэлэн устубут НВК үлэһиттэрэ Валерия Золотареваҕа , Александр Адамовка, СӨ култууратын үтүөлээх үлэһитэ Николай Николаевич Хобусаров баянынан оонньоон, тэрээһини киэргэппитигэр барҕа махтал буолуозхтун!
Степан Дмитриев,
Балаҕаннаах баһылыга, Үөһээ Бүлүү
-
1
-
0
-
0
-
0
-
0
-
0
