Сунтаар хайатыттан чугас, Дьааҥы сис хайаларыгар киирэр 2190 миэтэрэ үрдүктээх аата суох хайаҕа, Саха Сирин үтүөлээх судаарыстыбаннай диэйэтэлэ Исидор Никифорович Барахов аатын иҥэрдилэр.
Нуучча географическай уопсастыбата экспедиция тэрийэн, Саха Сирин былааҕын, «Движения Первых» знамятын уонна Исидор Барахов мэтириэтин хайа чыпчаалыгар туруордулар.
Экспедиция Саха АССР 100 сылынан Нуучча географическай уопсастыбатын Саха Сиринээҕи салаатын бырайыагын салҕааһынан буолар. Ааспыт сылга айанньыттар Сунтаар Хайатын сис хайатыгар биэс хайа чыпчаалыгар тахса сылдьыбыттара. Онтон иккитигэр Максим Аммосов уонна Платон Ойуунускай ааттара иҥэриллибитэ, оттон хайа арҕаһын туоруур биир сис Саха АССР 100 сыла диэн ааттаммыта.
Хайаҕа бастакы тахсааччыларынан: Георгий Цыпандин, Галия Дьячковская, Василий Местников, Андрей Рукавишников, Константин Оконешников, Елена Илистянова, Артем Уголовскай уонна Артем Самойлов буолаллар.
-
0
-
0
-
0
-
0
-
0
-
0
