Бэс ыйын 10 күнүгэр Ил Дархан Айсен Николаев Дьокуускай куорат Автодорожнай уокуругар Звезднай түөлбэтигэр тутуллуохтаах сабыылаах каток маҥнайгы сыбаайатын түһэрэр үөрүүлээх тэрээһиҥҥэ кыттыыны ылла.
“Икки эрэ сыл аннараа өттүгэр манна маҥнайгы олорор дьиэ сыбаайата түспүтэ. 2027 сыл бүтүөр диэри сабыс саҥа 66 элбэх кыбартыыралаах дьиэ дьэндэйиэ, 11 тыһыынча киһи олоруо, билигин актыыбынай тутуу бара турар. Бүгүн, дойдубут бэрэсидьиэнин быһаарыытынан, национальнай бырайыак чэрчитинэн, “Успуорт – олох нуормата” федеральнай бырайыагынан сабыылаах каток тутуута саҕаланна. Манна катогу сэргэ хоккейдыыр корт, успуордунан дьарыктанар саалалар баар буолуохтара. Эбийиэккэ Саха Сиригэр маҥнайгы керлинныыр дорожка баар буолуо”, - диэн эттэ.
Ил Дархан бэлиэтээбитинэн, түөлбэни тутууга социальнай инфраструктура эмиэ учуотаммыт. Манна 990 миэстэлээх саҥа оскуола, 600 посещениелаах поликлиника тутуллуо. Оттон каток номнуо 2024 сыл бүтүүтэ олоххо киириэ.
Хаартыска: ЯСИА саайтыттан
-
0
-
0
-
0
-
0
-
0
-
0
