Арассыыйаҕа Дьиэ кэргэн уонна Саха Сиригэр Оҕо саас сылыгар Айсен Николаев сорудаҕынан үһүс эбэтэр онтон кэнники оҕо төрөөтөҕүнэ бэриллэр эрэгийиэннээҕи «Дьиэ кэргэн» ийэ хапытаалын кээмэйэ саамай муҥутаабыта 300 тыһыынча солкуобайга диэри, о.э. 2 төгүл улаатта. Сыл саҕаланыаҕыттан бу хапытаалы 720 дьиэ кэргэн ылла.
Маны таһынан, сыл бастакы ыйдарыгар 25-гэр диэри саастаах, маҥнайгытын ыал буолбут 161 эдэр кэргэнниилэр 50 тыһыынча солкуобайдаах биир кэмнээх харчынан төлөбүрү ылбыттар.
Уһук Илин федеральнай уокурукка Саха Сиригэр саамай үгүс ахсааннаах элбэх оҕолоох ыал олорор. Оҕо төрөөһүнүн таһымынан эрэгийиэн Уһук Илиҥҥэ бастакы, Арассыыйаҕа ахсыс миэстэҕэ турар. Саха Сирэ демография лиидэрэ буоларыгар оҕо сааһы өйүүр федеральнай да, эрэгийиэннээҕи да дьаһаллар улахан оруоллаахтар.
Ол курдук, өрөспүүбүлүкэҕэ кэнники 5 сыл устата ийэни уонна оҕону өйөөһүҥҥэ көрүллэр үбүлээһин кээмэйэ 8 төгүл улаатта.
Хаартыска СӨ Ил Дарханын уонна Бырабыыталыстыбатын пресс-сулууспатын саайтыттан
-
2
-
0
-
0
-
0
-
0
-
0
