Все новости

Ил Түмэн норуот дьокутааттара Иван Данилов, Алексей Колодезников, Сергей Сивцев, Сергей Домброван, өрөспүүбүлүкэ министиэристибэлэрин уонна биэдэмистибэлэрин бэрэстэбиитэллэрэ кыттыыны ыллылар.

СӨ Гражданскай оборуонатын дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистирэ Дмитрий Лепчиков  дакылаат оҥордо.

Сокуон барылынан “Ыксаллаах балаһыанньа туһунан нэһилиэнньэҕэ иһитиннэрии” уонна “Нэһилиэнньэни ыксаллаах балаһыанньаттан харыстыыр эйгэҕэ бэлэмнээһин” өйдөбүллэр саҥардыллалларын эттэ, онно “айылҕа уонна техногеннай” диэн тыллар туоратыллаллар. Ону таһынан, сокуон барыла СӨ Бырабыыталыстыбатын уорганнарыгар сир-айылҕа баһаардарын (ойуур баһаардарын таһынан) умуруоруу былаанын оҥорор уонна бигэргэтэр боломуочуйаны биэрэр, ону тэҥэ ыксаллаах быһыыны-майгыны, айылҕа алдьархайын сэрэтэр уонна содулларын суох оҥорууга туһуланар. Сокуон барылын Судаарыстыбаннай Мунньах кэлэр пленарнай мунньаҕар көрүүгэ ыытар туһунан быһаарыы ылыннылар. СӨ борокуратууратыгар урбаанньыттар бырааптарын тутуһууну хонтуруоллуур управление салайааччыта Надежда Валиулова эмиэ иһитиннэриини оҥордо.

РФ Бүддьүөт кодексын 179.4 ыстатыйатын 4 пуунун бастакы абзацыгар сөп түбэһиннэрэн, РФ субъегын суолун пуондата РФ субъегын сокуонунан оҥоһуллар. РФ Бүддьүөт кодексын 179.4 ыстатыйатын 4 пуунуттан үһүс уонна сэттис абзацтарыгар РФ субъегын бүддьүөт дохуотун көрүҥнэрэ көрүллэр. Бүддьүөттэн үбүлээһин кээмэйэ суол пуондатын кытта учуоттаныахтаах. Маны таһынан, РФ Бүддьүөт кодексын 179.4 ыстатыйатын 4 пуунун ахсыс абзацыгар РФ субъегын бүддьүөтүгэр киирэр атын дохуоттары РФ субъегын сокуонунан бигэргэтэр кыаҕы биэрэр. Ол курдук, эрэгийиэн бүддьүөтүн дохуотун көрүҥнэрин бүтэһиктээх испииһэгэ, былааннаммыт кээмэйдэрэ бигэргэнэр. Ол кэннэ  субъекттааҕы суол пуондатыгар бүддьүөттэн үбүлээһин кээмэйин быһаарыыга туһаныллар, ол 2020 сылга диэри олохтонуохтаах. Бу РФ эрэгийиэнин сокуона.

Ону тэҥэ парламентарийдар СӨ Инновацияҕа, сыыппараны сайыннарыыга уонна инфокоммуникация технологияларыгар миниистири солбуйааччы Александр Федотов дакылаатын иһиттилэр.  

СӨ Тырааныспарга уонна суол хаһаайыстыбатыгар миниистирэ Владимир Сивцев СӨ суолларыгар муус туорааһыннарын тэрийиигэ бэлэмнэнии үлэтин саҕалыыр туһунан иһитиннэриини оҥордо.

СӨ Үпкэ миниистирин эбээһинэһин толорооччу Иван Алексеев федеральнай сокуоннарга уларытыылар чэрчилэринэн алмааһы сэртэпикээттээһин өттүнэн “Гохран РС(Я)” үлэтин-хамнаһын туһунан иһитиннэрдэ.

Салгыы дьокутааттар улуус иһинээҕи социальнай суолталаах рейстэргэ ороскуоту уйунуу боппуруоһун көрдүлэр. Тырааныспар миниистирэ Владимир Сивцев 2-с ааҕыы кэмигэр сууммалары көрөргө уонна бу сыл 4-с кыбаарталыгар үөскүүр эбии кыһалҕалары учуоттуурга бэлэм буолуу туһунан иһитиннэрдэ.

Мунньах түмүгүнэн норуот дьокутааттара мунньаҕы алтынньы 9 күнүгэр ыыттылар, онно Дьокуускай социальнай-экэнэмиичэскэй сайдыытын боппуруоһа дьүүллэһилиннэ.

Госдуума

Алтынньы 8 күнүгэр Ил Түмэн Экэниэмикэ, инбэстииссийэ  уонна бырамыысыланнас бэлиитикэтигэр сис кэмитиэтин экэниэмикэҕэ бэрэссэдээтэлэ Павел Петров РФ Госдуума Уһук Илини уонна Аартыканы сайыннарыыга ыыппыт «Уһук Илин урутаан сайдар сирдэригэр быраап эрэсиимин ситэрии-хоторуу” төгүрүк остуолугар кыттыыны ылла.

Мунньаҕы салайан ыыппыт бэрэссэдээтэл Николай Харитонов Уһук Илини Владимир Путин бүтүн ХХI үйэ тухары дойду сайдыытыгар бастакы миэстэҕэ туруорбутун, ол сыалтан федеральнай уокурук сиригэр-уотугар быраабы араҥаччылыыр эрэсиимнэр 2015 сылтан ыла күргүөмнүк үөскээбиттэрин бэлиэтээтэ. Ол түмүгэр, биисинэс оҥорорго чэпчэтиилээх усулуобуйалар баар буоллулар.

“Уһук Илин ураты чэпчэтиилээх эрэсиимнэрэ Уһук Илиҥҥи федеральнай уокурукка 130-тан тахса муниципальнай тэриллиини хабаллар. Уопсайа 3 тыһыынчаттан тахса олохтоох эрэгэстэрээссийэлэнэн, инбэстииссийэлиир бырайыактарын олоххо киллэрэр былааннаахтар», — диэтэ Николай Харитонов.

Павел Петров бэлиэтээбитинэн: Саха Сиригэр инвестордарга аналлаах преференциальнай эрэсиимнээх 3 суона баар (ТОР «Якутия», ТОР «Южная Якутия» уонна Саха Сирин Аартыкатын суоната). Бары бырайыактар ​​олоххо киирдэхтэринэ, 12,5 тыһыынчаттан тахса үлэ миэстэтэ тахсыа диэн сабаҕаланар, онтон 10 тыһыынчаттан тахса үлэ миэстэтэ тэриллибитэ.

Павел Петров сокуон барылыгар РФ субъектара уонна олохтоох бэйэни салайыныы уорганнара үрдүкү судаарыстыбаннай былааһы кытта сайдыы эйгэтин тэрийии туһунан бэрээдэги киллэрэргэ эттэ. Ону тэҥэ,бастакы күөҥҥэ турар аан дойдутааҕы  сайдыы эйгэтин тэрийэргэ, сөбүлэһии бэрээдэгин туһунан ыйыылар баар буолуохтаахтарын тоһоҕолоото.

Итиэннэ парламентарий сокуон барыла РФ Нолуок кодексын билиҥҥи нуормаларыгар бүтүннүү сөп түбэспэтин бэлиэтээтэ. Сокуон барыла 10 сыл устата бу урутаан сайдар сирдэр олохтоохторо буолар саҥа тэрилтэлэргэ федеральнай бүддьүөккэ киирэр корпоративнай дохуот нолуогун кээмэйин 0% олохтуур.

“Ону кытта РФ нолуок кодексыгар билигин нолуок төлөөччүлэр сорох категорияларыгар, ол иһигэр эрэгийиэннээҕи инбэстииссийэлиир бырайыактарга, көҥүл экэниэмикэ суоналарын кыттыылаахтарыгар чэпчэтиилээх нолуок кээмэйин көрүҥүттэн,  корпоративнай дохуот нолуогар чэпчэтиилэри олохтуура көрүллэр », — диэн тоһоҕолоото Павел Петров .

Төгүрүк остуолга Госдуума Уһук Илини уонна Аартыканы сайыннарыыга уонна экэнэмиичэскэй бэлиитикэҕэ кэмитиэттэрин чилиэннэрэ, Уһук Илини тэрийэр субъектар сокуону оҥорор уорганнарын бэрэстэбиитэллэрэ, эспиэрдэр, РФ Счетнай палаататын аудитора Наталья Трунова, Уһук Илин уонна Аартыка сайдыытын корпорациятын департаменын дириэктэрэ Марина Логунова, Арассыыйа Үпкэ министиэристибэтин бырайыактары үбүлээһиҥҥэ уонна инбэстииссийэ бэлиитикэтигэр департаменын дириэктэрэ Оксана Буторина кыттыыны ыллылар.

Хаартыскалар Ил Түмэн пресс-сулууспатыттан