Саха Өрөспүүбүлүкэтин Ил Дархана эрдэ иһитиннэрбитин курдук, зондировщик ыам-бэс ыйдарыгар Дьокуускай аэропордугар олоҕун булунан, Саха Сирин арҕаа, киин өттүгэр ландшафт баһаара үөскүүрүн сэрэтэн үлэлиэҕэ.
"Ойуур уонна атын ландшафт баһаардарын утары охсуһарга оҥоһуу сөҥүүнү ыҥырыы ордук көдьүүстээх буолар диэн санаалаахпыт. Быйыл Росгидрометтыын маннык сөмөлүөтү айылҕа баһаардарын умуруорарга уонна тыа хаһаайыстыбатын наадатыгар туһанарга аренда дуогабарын түһэристибит. Ону тэҥэ, "АН-26" сөмөлүөтү бүтүннүү уларытан сэбилиэхпит. Биһиги сакааспытынан, сөмөлүөккэ ардаҕы ыҥырар ураты оборудование оҥоһулунна. Бу Арассыыйаҕа эрэ оҥоһуллан таҥыллар тэриллээх гражданскай авиация маҥнайгы сөмөлүөтэ буолуоҕа", - диэн бэлиэтээн эттэ Айсен Николаев.
-
1
-
0
-
0
-
0
-
0
-
0
