Александр Жирков:
-Пааматынньык даҕаны, туох да суох эрдэҕинэ, бу тааһы мин таһаартарбытым. Бу -- Нерюнгри тааһа. Онно карьер баар, онтон ылларбытым. Оччолорго Нерюнгриттан аҕалтарар уустук этэ. Дьиҥнээх монолит. Дьокуускайга Худуоһунньуктар дьиэлэрэ баар. Онно аҕалан бырахтаран, сытыара түһэн, харахтарын үөрэтэн баран. Бэйэм оччолорго аҕалар кыаҕым суох этэ. Култуура миниистирин бастакы солбуйааччыта Баһылай Босиковка эппитим: "Гранитта аҕалыахха, Дьокуускайга скульптордарга уһаналларыгар наада буолуо", - диэн. Ону Босиков дьаһайдаҕа дии. 3 тааһы босхо аҕалбыттара.
Оччолого Уус Алдан баһылыга Валерий Даниловка эттим:"Онно үс таас кэллэ, биирин тиэйэн таһаар", - диэн. Ону самосвалынан тиэйэн таһаарбыта. Аҕалан манна туруорбуппут. Бу гранит тааһы шлифуйдаан баран, Майаҕаттаҕа аналлаах аҕыйах тылы суруйуохха баар этэ.
Таас 95-с сыл сайыныгар манна кэлбитэ. Оттон пааматынньык 96-с сыллаахха бастакы оонньууга турбута. Аҕыйах сыл буолан баран, стелата алдьаммыта. Онтон Сыырдаах баһылыга Юрий Колодезников хаттаан төннөн, Владислав Бурцев диэн скульпторга барытын киһилии оҥорторбута. Майаҕатта Бэрт Хара стадион киириитигэр атыннык турар пааматынньыгын эмиэ ити уол оҥорбута. Дьэ, бу үйэлээхтик турдун.
Мандар Уус:
-Маннык таас наһаа кытаанах. Гранит буоллаҕа дии. Киһи саллар үлэтэ. Биһиги таастарбыт үчүгэйдик хоппоттор. Германия киэнэ хотуон сөп. Бу,, чахчы, улахан өйдөбүнньүк, үйэлэр тухары баар буолуоҕа. Үчүгэй резецтээх киһи үйэ тухары барыахтаах өйдөбүнньүгү киһи манна кыайыан сөп. Олоҥхоҕо сыһыаннаах тугу эмэ толкуйдуохха, олоҥхону кытта биир өйдөбүл буоллаҕа дии. Бу улуу киһини олоҥхону кытта бииргэ ситимнээн.
Олоҥхоҕо халбас харата диэн баар буолааччы. Ол -- дойду бэйэтэ быһаардын диэн, икки баппаттары иккиэннэрин айыылар аҕалан туруортаан кэбиһэллэр. Бу таас үрдүгэр ооҕуй оҕус ситимин курдук оҥорон, ол үрдүгэр халбас харатын хамсыы турар гына туруорбут киһи. Халбас харата быстыбакка, ойдубакка биэтэҥнии турар гына трос оҥоруохха наада. Дьон өйдөбүлүгэр чиҥник киирэр гына. Итини ким да билбэт буоллаҕа. Бу аан дойду олоҕун, киһи аймах дьылҕатын иннин-кэннин быһаарар. Онон суолтата наһаа улахан. Бу дьикти эбэни өҥөйөн туран, Бэрт Хара диэн улуу киһи уобараһыгар, олоҥхо сүнньэ үөскээбит дойдутугар кэлэн турабыт. Бары этэҥҥэ, доруобай буолуҥ! Чугастааҕы дьоҥҥутун таптааҥ! Үөрэн-көтөн дьоллоохтук-соргулаахтык сылдьыҥ!
-
2
-
0
-
0
-
0
-
1
-
0
