- Биһиги өрөспүүбүлүкэбититтэн сылдьар байыаннай сулууспалаахтары өйүүргэ тустаах суһал ыстаап үлэлиир, манна Ил Түмэн салайааччылара эмиэ киирэллэр. Ыстаап Ил Дархан Айсен Николаев дьаһалынан тэриллибитэ. Сүрүн сыала - уопсастыбаннай-бэлитиичэскэй бигэ туругу олохтооһун, дьиэлэргэ ититии, сырдык баар буоларын, дьон куттала суох олоруутун ситиһии, байыаннай сулууспалаахтарбытын хааччыйыы, кинилэр дьиэ кэргэннэрин араҥаччылааһын. Сөптөөх, суһал быһаарыылары ылынарга бэлэммит. Бу күннэргэ социальнай сокуоннарга киириэхтээх уларыйыыларынан, эбии чэпчэтиилэр олохтонуохтара. Холобур, РФ Нолуок кодексатыгар уларытыы киллэрэн, быстах хомуурга ыҥырылыбыттар тырааныспар нолуогуттан босхолонуохтара. Ону тэҥэ, сокуонунан байыаннай сулууспалаахтар оҕолорун оскуолаларга, орто үөрэх тэрилтэлэригэр босхо аһатыахтара, эминэн хааччыйыахтара. Билигин оҥоһуллар көмө төлөбүрүн испииһээгэ бигэргэтиллэн турар, төһө кыах баарынан кэҥэтиллиэхтээх. Биһиги дойдубут көмүскэлигэр турбут уолаттарбытын бары өттүнэн өйүөхтээхпит. Көрүллэр өйөбүллэр сокуонунан бигэргэниэхтээхтэр», — диэн Антонина Григорьева эттэ.
Ил Түмэн бэрэссэдээтэлин солбуйааччы ахтан ааспытынан, биир идэлээхтэрэ, саамай эдэр норуот дьокутаата Мичил Николаев быстах хомуурга ыҥырыллыбыта. Кини кэпсииринэн, Саха Сирин байыастара бэйэ-бэйэлэрин кытары өрүү сибээс туталлар, командование кинилэри сыаналыыр.
- Бу байыаннай дьайыы кэмигэр бары биир сүрүн соругу быһаарарга түмсэбит – Эйэни сөргүтүү. Биир дойдулаахтарбыт туруоруллубут соруктары толорууга олус сыаналаах кылааты киллэриэхтэрэ диэн эрэнэбит. Чугас дьоннорун өйөбүлэ кинилэргэ күүс биэрэрэ, сулууспалыыр кэмнэригэр кыах эбэрэ саарбахтаммат. Оттон биһиги кинилэр дьиэ кэргэннэригэр өйөбүлү олохтуохтаахпыт. Дойдубутун көмүскүүр кэмҥэ ким даҕаны боҕомтото суох хаалыа суоҕа. Социальнай эбэһээтилистибэлэр булгуччу туолуохтара», — диэтэ Антонина Григорьева.
-
0
-
0
-
0
-
0
-
0
-
0
