Издательский дом Редакция Подписка
Погода в Якутске: . -15 oC

Дьокуускай куоракка Сибиир уонна Хотугу норуоттар үҥкүүлэрин маҥнайгы чинчийээччи Мария Жорницкая сырдык кэриэһигэр өйдөбүнньүк дуоска үөрүүлээх быһыыга-майгыга аһылынна.

Дьокуускай куоракка Сибиир уонна Хотугу норуоттар үҥкүүлэрин маҥнайгы чинчийээччи Мария Жорницкая сырдык кэриэһигэр өйдөбүнньүк дуоска үөрүүлээх быһыыга-майгыга аһылынна.

Өйдөбүнньүк бэлиэ кини төрөөбүтэ  100 сааһыгар туһуланна, Ленин аатынан проспект 35 дьиэтигэр туруорулунна. Бу дьиэҕэ чинчийээччи үс сыл олорбут.

Тэрээһиҥҥэ кыттыыны култуура уонна ускуустуба биллэр диэйэтэллэрэ, хореография бэтэрээннэрэ, Национальнай үҥкүү тыйаатырын артыыстара уонна үлэһиттэрэ, култуура уонна ускуустуба институтун  устудьуоннара ыллылар.

5454

«Мин киниэхэ үөрэммит дьоллоохпун. Мария Жорницкая өрүү мичээрдии сылдьара, олус бэһиэлэй уонна үөрүнньэҥ этэ. Тус бэйэбэр көмө, өйөбүл буолара. Эксээмэн туттарар кэммитигэр, бэрэски аҕалан күндүлүүрэ үтүө өйдөбүл буола сылдьар. Кини сырдык аатын үйэтитиигэ кыттыспыппыттан олус үөрэбин», – диэн өрөспүүбүлүкэ норуотун артыыһа, Арассыыйа үтүөлээх артыыһа Афанасий Афанасьев этэр.

Култуураҕа уонна духуобунай сайдыыга миниистирин солбуйааччыта Марина Силина үтүө тыллары эттэ.  «Мария Жорницкая Сахабыт Сиригэр национальнай, идэтийбит үҥкүү уонна балет ускуустубата сайдарыгар кылаата сүҥкэн улахан. Кини дойдубутугар саамай хоту сытар Сахабыт Сирин балета үөскүүрүгэр, атаҕар турарыгар тирэх буолбута. Мин санаабар, бу киэҥ уулуссанан ыччаттарбыт хааман иһэн, кини үлэтин саныахтара, саҥаттан арыйыахтара. Киһи туһунан өйдөбүл баарын тухары, киһи тыыннаах», – диэн эттэ.

Манна даҕатан, өйдөбүнньүк дуоска туруоруутун көҕүлээччитинэн үҥкүү тыйаатырын дириэктэрэ Александр Алексеев буолар. Оҥоруутунан тыйаатыр сүрүн худуоһунньуга Екатерина Шапошникова дьарыктаммыт.

Жорницкая Мария Яковлевна 1921 сыл атырдьах ыйын 24 күнүгэр күн сирин көрбүт. Сибиир уонна Хотугу норуоттар үҥкүүлэрин култууратын маҥнайгы чинчийээччитэ, этнохореолог, историческай наукалар хандьыдаата, Саха АССР үтүөлээх артыыһа.

5165

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением