Афанасий Иванович Ноев 1966 сыллаахха алтынньы 2 күнүгэр Орджоникидзевскай оройуонун (билиҥҥинэн Хаҥалас) Ой сэлиэнньэтигэр төрөөбүт. Салайар үлэҕэ дириҥ уопуттаах. Ол курдук, 1997-1998 сс. Хаҥалас улууһун баһылыгын 1-кы солбуйааччытынан анаммыт. 1998-2002 сс. «Саха» НКИХ бэрэсидьиэнэ. 2002-2003 сс. СӨ култуураҕа уонна духуобунай сайдыыга миниистирин 1-кы солбуйааччы. 2003- 2008 сс. – «Ленский край» ФМФ генеральнай дириэктэрэ. 2011-2012 сс. – «Якутия» хаһыат» ААУо генеральнай дириэктэрэ. 2019 -2020 сс. — СӨ Ил Дарханын уонна Бырабыыталыстыбатын информационнай бэлиитикэҕэ уонна маассабай коммуникацияҕа департаменын салайааччы. 2020 сылтан СӨ Ил Дарханын көмөлөһөөччүтэ.
Манна даҕатан эттэххэ, бүгүҥҥүттэн СӨ култууруҕа уонна духуобунаһы сайыннарыыга миниистирин 1-кы солбуйааччы Владислав Левочкин дуоһунаһын босхолоото, кини Суорун Омоллоон аатынан Опера уонна балет тыйаатырын салайыаҕа.
-
0
-
0
-
0
-
0
-
0
-
0
