Мэңэ Хаңалас улууhуттан тѳрүттээх биир дойдулаахпыт биллиилээх уопсастыбаннай-политическэй диэйэтэл Семен Захарович Борисов пааматынньыгын Дьокуускай к. 203 микрооройуонугар, В.П. Ларионов уонна Суорун Омоллоон уулуссаларын быhа охсуhууларыгар кѳстүүлээх сиргэ үѳрүүлээх быhыыга арыйдыбыт.
Ѳрѳспүүбүлүкэ бастакы салайааччыларыттан барыларыттан 14 сыл устата сайдыы бары хайысхаларыгар саамай элбэх үлэни оңорбут үтүѳкэн киhибитигэр пааматынньык туруорулунна.
Кини промышленность сайдыытыгар (таас чох, кѳмүс, алмаас, гаас Дьокуускайга кэлиитин), Бүлүүтээҕи ГЭС, Якутэнерго, Авиация, Амакинскай геологоразведочнай экспедиция үлэлииллэригэр, Саха судаарыстыбаннай университетын аhыллыыта, Дьокуускай куоракка таас дьиэлэри тутууга, тупсаран оңоруу киириитигэр, тимир суол тутуутун туруорсууга уо.д.а. элбэх хайысхалаах үлэни ыыппыта.
Семен Захарович саамай улахан ситиhиитэ биhиги ѳрѳспүүбүлүкэбит бэйэтин бэйэтэ салайарыгар Хрущев Н.С. ѳйѳбүлүн ылан, "Дальстрой" диэн хаайыылаахтары 16 оройуоңңа улэлэтэр суол, тутуу тэрилтэтиттэн былдьаан, оробуочай кылааhы, интеллигенцияны иитиэххэ, ѳрѳспүүбүлүкэбитин бэйэбит салайыахтаахпыт диэн туруорсан , Магаданскай уобаластыын холбоору гынар да санаалар баалларын кыайан, дакаастаан ылбыта буолар. Мин биирдэ кѳрсүhүүгэ эппитин истибитим. Онно "балыырга буруйдуулларыгар тоҕо кѳмүскэммэккин" диэбиттэригэр: «Мин олох долгуйбаппын, история барытын кѳннѳрүѳҕэ», — диэбитэ.
Дьэ онон, пааматынньык арыллыытыгар Ил Дархаммыт А.С. Николаев сылдьыбыта туhугар политическэй реабилитация курдук буолара дьоhуннаах түгэн. Бу событие ѳрѳспүүбүлүкэбит 100 сылыгар ананна.
Бүгүн үтүѳ күн үүннэ, мэңэлэр хайа үрдүгэр буоллубут.
-
1
-
0
-
0
-
0
-
0
-
1
