Быйыл уопсайа алталыы киһилээх 11 хамаанда кытынна, эр дьон — 7, дьахтар аймах — 4 хамаанда туруордулар.
Күрэх РФ, СӨ уонна нэһилиэк былааҕын көтөҕүүтүнэн саҕаланна, былаахтары кылаабынай суудьуйа Антонина Мосенкова, Төбүлэх диаспоратын салайааччыта Надежда Никулина, нэһилиэк аҕа баһылыгын солбуйааччы Евгения Николаева көтөхтүлэр.
Эҕэрдэ тыллары Антонина Мосенкова, Тымныы оҕонньор Гаврил Соркомов, Ю. А. Слепцов аатынан норуот айымньытын дьиэтин дириэктэрэ Анастасия Никулина эппиттэрэ.
Кэлбит дьон күрэхтэһии 30 сыллаах устуоруйатын көрдөрөр добун суруктар, кубоктар, мэтээллэр, хаартыска быыстапкаларын сэҥээрэн көрдүлэр. Быыстапканы оскуола бибилиотекара Акулина Хабарова бэлэмнээбит. Кыттааччылар, ыалдьааччылар өйдөбүнньүк баҕа санаа кинигэтигэр санааларын суруйдулар.
Үс күннээх тыҥааһыннаах күрэхтэһии алта көрүҥнээх ыытылынна: дуобат, волейбол, штрафной, дартс, корнхолл, канат.
Түмүккэ эр дьоҥҥо
1 — ОДЬКХ хамаандата бастаата,
2 — Диаспора
3 — Команда X (эдэр ыччат)
Дьахтар аймахха:
1 — Саһарҕа (оскуола оҕолоро)
2 — Даймонд (холбоһук тэрилтэлэр)
3 — Голден Тайм (уһуйаан үлэһиттэрэ).
Кыайыылаах, көхтөөх кыттыыны ылбыт хамаандаларга уонна биирдиилээн дьоҥҥо тэрилтэлэр, Төбүлэхтэн төрүттээх, нэһилиэккэ үлэлээбит дьон, дьиэ кэргэннэр спонсордаан сыаналаах бэлэхтэри туттардылар.
Дьон-сэргэ үөрэн-көтөн оһуохай үҥкүүтүнэн түмсүүлээх тэрээһини түмүктээтилэр.
Күрэхтэһии туһунан Людмила Стручкова иһитиннэрдэ диэн Муома улууһун хаһыата суруйар.
-
0
-
0
-
0
-
0
-
0
-
0
