Издательский дом Редакция Подписка
Погода в Якутске: . 22 oC

 СӨ норуотун хаһаайыстыбатын үтүөлээх үлэһитэ, сэбиэскэй- партийнай салайааччы Пётр Петрович Бурнашев күүстээх санаатынан Лөгөй  нэһилиэгин историческай музейа 2000 сылларга тэриллэн, бэртээхэй экспонаттары дьон көрүүтүгэр таһаарбыта. Хомойуох иһин, музеевед ыалдьыаҕыттан түмэл сабыллан, кэрэхсэнэр экспонаттар араас сирдринэн тарҕатыллыбыттара. Ол кэмнэн сүүрбэттэн тахса сыл ааста. Уостубут үлэни сөргүтүү ааспыт сылтан саҕаланна, быйыл бэлиэ түүн ааста. 

 СӨ норуотун хаһаайыстыбатын үтүөлээх үлэһитэ, сэбиэскэй- партийнай салайааччы Пётр Петрович Бурнашев күүстээх санаатынан Лөгөй  нэһилиэгин историческай музейа 2000 сылларга тэриллэн, бэртээхэй экспонаттары дьон көрүүтүгэр таһаарбыта. Хомойуох иһин, музеевед ыалдьыаҕыттан түмэл сабыллан, кэрэхсэнэр экспонаттар араас сирдринэн тарҕатыллыбыттара. Ол кэмнэн сүүрбэттэн тахса сыл ааста. Уостубут үлэни сөргүтүү ааспыт сылтан саҕаланна, быйыл бэлиэ түүн ааста. 

Лөгөй Тойонтон силистээх дьон сэргэ туһунан билиһиннэрэр, Петр Бурнашев аатын үйэтитэр сыалтан түмэли былырыыҥҥыттан тэрийдилэр. Үлэни учууталлар учууталлара, СӨ үөрэҕириитин туйгуна, нэһилиэк бочуоттаах олохтооҕо Екатерина Дмитриевна Шарина  былааннаахтык ылыста. Олохтоох хонтуораҕа анал хоско экспонаттары мунньан, быйыл ыам ыйын бүтэһик күнүгэр музей түүнүн ыытта.

4

Тэрээһин бастакы чааһыгар сэбиэскэй кэмҥэ Лөгөй сайдыытын сырдатар маллары, туттар тэриллэри көрдүбүт. Үөрүүлээх тэрээһиҥҥэ Анна Фомина мельхиор дьахтар бастыҥатын, илин-кэлин кэбиһэрин, Ульяна Белолюбская бүлүүс көбүөрү, Маргарита Данилова “Үлэ Кыһыл знамята” уордьаннаах бартыһаан Заболоцкай  аатынан сопхуос ситиһиилэрин кэпсиир альбомнары түмэлгэ бэлэхтээтилэр.

Екатерина Шарина уопсастыбаннай үлэтигэр сүбэһиттэр Михаил Колодезников, Марианна Петухова, Мотрёна Матвеева, Мотрёна Сысолятина күүс-көмө буолалларыгар махтанна.
Уопсастыбаннас сүбэтин бэрэссэдээтэлэ Михаил Колодезников: " Маннык улахан ааты сүгэр нэһилиэк билиҥҥэ диэри түмэлэ суох олорбуппут кыбыстыылаах. Бастакы төрүттээччи - Пётр Бурнашев Лөгөй нэһилиэгин кинигэлэрин муспут баай матырыйаалларыгар тирэхтэнэн таһаарбыттара эмиэ баар. Биһиги учууталбыт Екатерина Дмитриевна Лөгөй орто оскуолатыгар музей хоһун эмиэ тэрийбитэ. Баһылыкпыт Николай Попов кураанахсыйан турар балаҕан дьиэни норуот күүһүнэн музейга сөргүтэргэ санаатын эттэ", - диэн этиитэ дохсун ытыс тыаһынан доҕуһуолланна.

1

Манна сиэттэрэн суруйдахха, Екатерина Дмитриевна Шарина нуучча тылын учууталынан түөрт уон сыл үтүө суобастаахтык үлэлээн, саҥардыы бочуоттаах сынньалаҥҥа таҕыста. Нууччалыы, сахалыы тылларынан кэпсиир, суруйар, аныгы компьютернай техниканы баһылыыр  киһи түмэли салайара - киэн туттуубут. Баҕа санаатынан энтузиастаан үлэлиирин бэлиэтиибит.

Лөгөй сирэ ыалдьыттарыгар кэпсиир түмэлэ бастатан туран үүнэр көлүөнэҕэ ананар. Онон сиэттэрэн үйэттэн үйэҕэ сайда турарыгар баҕа санаатын Мотрёна Матвеева эттэ.
3

Музей түүнэ “Лөгөй нэһилиэгин историятын төһө билэҕин” диэн ыйытынньыгынан түмүктэннэ.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Түһүлгэ

Сайыммыт ортолоото

Биллибэтинэн эбиллэр түүн, көстүбэтинэн көҕүрүүр күнүс тохтоло суох айаннаан, сынньалаҥа…
20.07.24 13:15
Общество

Будни мамы четверых детей

Каково же это – быть многодетной мамой? Как все успевать и где черпать силы? На все эти…
20.07.24 09:22