Семинарга СӨ тырааныспарын уонна суолун хаһаайыстыбатын миниистирин солбуйааччы Анатолий Потапов кыттыыны ылла. Кини министиэристибэ туруорар былааннарын кытары билиһиннэрдэ, маны тэҥэ испэсэлиистэргэ үлэҕэ бэриниилэригэр махтанна.
“Бүтэһик сылларга “Аартыка суоллара” ыытар таһаарыылаах, туһалаах үлэлэрэ өрүү инники күөҥҥэ сылдьар. Сыллата суол ахсаана, уһуна элбиир. Инникитин өссө баараҕай былааннар тураллар. “Куттала суох хаачыстыбалаах суоллар” национальнай бырайыак чэрчитинэн массыына суолларын тупсарыахпыт. Быйылгыттан саҕалаан Үөһээ Дьааҥыттан Барылас сэлиэнньэтигэр диэри “Яна” суолу тупсарыы саҕаланыа. Бу бырайыакка эһиги үлэҕит, сыраҕыт туохха да кэмнэммэт”, - диэн Анатолий Потапов эппитин “Аартыка суоллара” хааһына тэрилтэтин пресс-сулууспата иһитиннэрэр.
-
0
-
0
-
0
-
0
-
0
-
0
