Дьокутааттар СӨ Уопсастыбаннай балаататыгар биир миэстэҕэ хандьыдааттары көрдүлэр. Хандьыдааттары Ил Түмэҥҥэ Судаарыстыба тутулугар уонна сокуону оҥорууга сис кэмитиэтин бэрэссэдээтэлэ, Ил Түмэн Бэрэссэдээтэлин солбуйааччыта Афанасий Владимиров билиһиннэрдэ.
Кини бу иннинэ үлэлии сылдьыбыт уопсастыбаннай балаата чилиэнэ Светлана Давыдова Ил Түмэҥҥэ дьокутаатынан талыллан, миэстэтин босхолообут. Кэмитиэккэ түөрт хандьыдаат докумуона киирбититтэн, биир сыыйыллыбыт.
Уопсайа үс хандьыдаат көрүлүннэ. РФ садоводтарын түмсүүтүн эрэгийиэннээҕи салаатын салаайааччыта Вера Ивановна Устинова, СӨ аҕаларын лигатыттан Георгий Эдуардович Глебов, СӨ Арассыыйа норуотун фронуттан Елена Прокопьевна Винокурова.
Хандьыдааттар докумуоннара ирдэбиллэргэ сөп түбэһэллэр.
Кистэлэҥ куоластааһынынан СӨ уопсастыбаннай балаататын чилиэнинэн Вера Устинованы бигэргэттилэр.
-
0
-
0
-
0
-
0
-
0
-
0
