Бастакы сыл хайдах ааспытын эрэгийиэннээҕи салаа бэрэссэдээтэлэ Оксана Михайлова иһитиннэрдэ.
«2023 сылга сүҥкэн үлэ ыытылынна. Саха Сирин барытын хабар 670 маҥнайгы сүһүөх салааҕа 30 тыһыынчаттан тахса эдэр ыччат түмүлүннэ, хатыламмат бырайыактарга кытынна. Будьвдвижении.рф федеральнай саайка 40 тыһыынчаттан тахса олохтоох бэлиэтэннэ», - диэн эттэ.
Бу сыл саҕаланыыта хамсааһын актыбыыстара сүүмэрдэнэн, бүтүн Арассыыйатааҕы сийиэскэ 8 дэлэгээт кыттара билиннэ. Кинилэртэн биирдэстэрэ федеральнай Бастыҥнар Сэбиэттэригэр киириэ.
Санатан эттэххэ, “Бастыҥнар хамсааһыннара” дойдубут бэрэсидьиэнин Владимир Путин көҕүлээһининэн тэриллибитэ, билигин 4 мөл. тахса биир санаалаахтары сомоҕолуур.
Хаартыска: ЯСИА.
- 1
- 0
- 0
- 0
- 0
- 0