«ҺӨҔҮҤ: саха тыла худуоһунньук хараҕынан 2.0» бырайыак худуоһунньук төрөөбүт сахатын тылын хайдах бэйэтэ ылынарынан уонна өйдүүрүнэн ырытарыгар, кэскилин, билиҥҥи кэмҥэ суолтатын, туттуллуутун, тутулун, саҥарыллыытын, тылын баайын, уратытын, онтон да атын кинини сэҥээрдэр тиэмэлэри сыныйан-сылыктаан анаарарыгар, дириҥник хорутан толкуйдууругар кыаҕы биэрэр.
Биирдиилээн биитэр бөлөҕүнэн кыттар ааптардар ойуулуур-дьүһүннүүр ускуустуба араас көрүҥнэрин (живопись, графика, скульптура, декоративно-прикладное искусство, инсталляция) туһанан, тус санааларын кимтэн да тутулуга суох көҥүл этэр кыахтаахтар. Онуоха дьиҥ чахчы баары дьүһүйэртэн саҕалаан, аныгы ускуустуба сонун ньымаларын барытын туһаналлара хааччахтаммат.
Ол идиэйэлэрин олоххо киллэрэллэригэр 8000 солкуобайдыыны туттар матырыйаалларыгар анаан биэриэхпит.
Быыстапканы Саха Сирин худуоһунньуктарын сойууһа, СӨ Национальнай бибилэтиэкэтэ, “Саха Сирин култуурата” айар холбоһук кыттыһан, Бэрэсидьиэн култуураны көҕүлүүр пуондатын өйөбүлүнэн тэрийэллэр.
Идэтийбит живописец худуоһунньуктары, графиктары, скульптордары, фотографтары, видеографтары, дизайнердары, итиэннэ ити идэҕэ уһуйар орто анал уонна үрдүк үөрэх кыһаларын устудьуоннарын кытталларыгар ыҥырабыт.
Сайаапкалары ыам ыйын 15 күнүгэр диэри тутабыт.
Балаһыанньатын сиһилии бу сигэнэн киирэн ааҕыҥ:
https://drive.google.com/file/d/1meh_yRtr60X_LtXMtEPXC86xkwlAO0r-/view?usp=sharing
Контакты: Адрес электронной почты защищен от спам-ботов. Для просмотра адреса в вашем браузере должен быть включен Javascript..
- 0
- 0
- 0
- 0
- 0
- 0