Ярослав Сэмэн Данилов аатынан оскуола выпускнига. ХИФУ физкультурнай салаатын 2024 с. ситиһиилээхтик үөрэнэн бүтэрбитэ. Оҕо эрдэҕиттэн боксанан дьарыктаммыта. Россия спордун маастарыгар кандидат. Ити сыл Россия Аармыйатыгар ыҥырыллан баран, СВО буола турар сиригэр бэйэтин баҕа өттүнэн барбыт. Үгүс бойобуой сырыылардаах. Хайа да ыарахаттартан толлубакка, бэриллэр сорудахтары толорон, хамандыырдарын махталын ылбыт. Кини билигин туйгун сулууспатын иһин, быстах сынньалаҥҥа кэлэн, ахтылҕаннаах дьонун-сэргэтин кытары көрсөн, төрөөбүт дойдутуттан күүс-уох ыла сылдьар.
Ийэ дойду иннигэр бэриниилээх, эр санаалаах уолбутун Ярославы, төрөппүттэрин Наталия Николаевнаны, Геннадий Анатольевиһы улуус баһылыгын бастакы солбуйааччыта Сардаана Стручкова, дьокутааттар Сэбиэттэрин бэрэссэдээтэлэ Маргарита Константинова, Дьокуускайтан бойобуой дьайыы бэтэрээнэ Василий Местников, “Боевое братство” уолаттара эҕэрдэлээтилэр.
Ытык иэстэрин толоро сылдьар уолаттарбыт бары этэҥҥэ дьиэҕитигэр кэлэн, эһигини күүтэр, суохтуур дьоҥҥутун-сэргэҕитин үөрдүҥ дуу диэн Үрдүкү айыылартан көрдөһүөххэйиҥ-ааттаһыаххайыҥ.
Сонун төрдө уонна хаартыска: "Үлэ күүһэ", Вячеслав Алексеев
-
0
-
0
-
0
-
0
-
0
-
0
