Бэрэбиэркэ барыллааһын дааннайынан, тэрилтэ олохтооҕо, 1970 сыллаах төрүөх инбэлиит, интэринээт үһүс этээһин түннүгүттэн сууллубутун түмүгэр өлбүт. Билигин исписэлиистэр эр киһи өлүүтүгэр тиэрдибит чопчу төрүөттэри уонна усулуобуйалары быһаараллар.
Өрөспүүбүлүкэ борокуруора Сергей Дябкин сорудаҕынан, Бүлүүтээҕи борокуратуура уоргана социальнай өҥөнү оҥорууга сокуону тутуһууну уонна күнүстэри-түүннэри көрүү-истиилээх тэрилтэҕэ олохтоохтор куттала суох буолууларын хааччыйыы хаачыстыбатын бэрэбиэркэлиэҕэ.
Бэрэбиэркэ түмүгүнэн, төрүөт баар буоллаҕына, борокуруордар өттүлэриттэн толору миэрэлэр ылыллыахтара. Ону таһынан, борокуратуура киһи өлүүтүн чахчытынан процессуальнай бэрэбиэркэни хонтуруолга ылла.
-
0
-
0
-
0
-
0
-
0
-
0
