Биир сыл анараа өттүгэр, муус устар 1 күнүнээҕи 41 №-дээх ФС федеральнай сокуон күүһүгэр киирбитэ. Ол түмүгэр киэҥ араҥаҕа тарҕанар СМС-иһитиннэриилэри уонна эрийиилэри ылыыттан аккаастанар кыах бэриллибитэ. Бу туһунан Судаарыстыбаннай Дуума Бэрэссэдээтэлэ Вячеслав Володин бэйэтин МАХ-ханаалыгар санатта диэн Госдуума саайта суруйар.
«Маныаха сибээс операторыгар анал сайабылыанньаны тус кабинеккытынан ыытыахха эбэтэр хампаанньа офиһыгар оҥорторуохха наада», — диэн эттэ.
Судаарыстыбаннай Дуума Бэрэссэдээтэлэ бэлиэтээбитинэн, сибээс оператора маннык киирии эрийиилэри уонна иһитиннэриилэри номнуо сарсыныгар тохтотор эбээһинэстээх.
«Өскөтүн спам-эрийиилэр уонна тарҕатыылар салҕанан кэлэр буоллахтарына, Судаарыстыбаннай өҥө порталыгар үҥсүү суруйуохха сөп. Бу быһылааҥҥа эппиэтинэһэ сурун — мөлүйүөн солкуобайга диэри ыстараап көрүллэр», — диэн Вячеслав Володин тоһоҕолоон эттэ.
Цифровой сайдыы министиэристибэтин даннайдарын, кинилэри Судаарыстыбаннай Дуума Бэрэссэдээтэлэ холобурдаата, 2026 сыл от ыйынааҕы туругунан, спам-эрийиини бобуу функциятынан 340 тыһыынчаттан тахса төгүл туһаммытар.
«Ону таһынан, 2025 сыл балаҕан ыйыттан хампаанньалартан уонна урбаанньыттартан кэлэр эрийиилэри маркировка оҥорор нуорма үлэлиир, — диэн кини кэпсээтэ. — Төлөпүөн экраныгар сибээс оператора эрийэр тэрилтэ аатын көрдөрүөхтээх».
«Бу бары миэрэлэр ДЬОНУ ТҮӨКҮТТЭР ДЬАЙЫЫЛАРЫТТАН ХАРЫСТААҺЫҤҤА, ону тэҥэ СЫЛАТАР РЕКЛАМАНЫ УТАРЫ КИИРСИГЭ туһуланаллар», — диэн Вячеслав Володин түмүктээтэ.
Ону тэҥэ кини МАХ-ханаал ааҕааччыларыгар кэммэнтээрийдэргэ спам-эрийиилэргэ уонна иһитиннэриилэргэ түбэһэллэрин туһунан кэпсииллэригэр этии киллэрдэ.
-
0
-
0
-
0
-
0
-
0
-
0
