Мунньахха иһитиннэрбиттэринэн, сэтинньиттэн 5–11 кылаас үөрэнээччилэригэр «Оскуола таһынааҕы дьарык» чэрчитинэн «Искусственнай интеллект уонна информационнай куттал суох буолуута» куурус саҕаланар.
85 эрэгийиэн 22 853 оскуолатыгар муусука, физика уонна ойуулуур-дьүһүннүүр ускуустуба хосторун тэрилэ саҥардыллар.
Педагогическай үнүбэрситиэттэргэ туттарсыы хампаанньатын түмүктэрэ таҕыста. Быйыл 700 тыһыынчаттан тахса сайабылыанньа киирбит – бу былырыыҥҥытааҕар 35% элбэх. Маннык көрдөрүү, ол иһигэр уйулҕа-педагогика кылаастарын ситимин тэрийии уонна сайыннарыы көмөтүнэн хааччыллар.
«Балаҕан ыйын 1 күнүттэн биһиги устуоруйа биридимиэтигэр 5-тэн 11-с кылааска диэри уонна обществознаниеҕа 9–10-с кылаастарга биир кэлим учуобунньуктар сиэрийэлэригэр көһөбүт. Бу биридимиэккэ 11-с кылаас судаарыстыбаннай учуобунньуга 2027-2028 үөрэх дьылыгар киллэриллиэҕэ. Үөрэх министиэристибэтин 704 №-дээх бирикээһин ирдэбиллэрин халбаҥнаабакка тутуһар, үлэлиир бырагыраамалары биир кэлим чаас былааныгар сөп түбэһиннэрэр булгуччулаах. Оттон биир кэлим судаарыстыбаннай эксээмэн (БКЭ) туһунан этэр буоллахха, кинини ыытыыга ханнык даҕаны улахан уларыйыылар эбэтэр уустугурдубут сорудахтар былааннамматтар», – диэн Сергей Кравцов тоһоҕолоон бэлиэтээтэ.
Үөрэтии-иитии үлэтигэр туспа болҕомто уурулунна. Сорох оскуолаларга 2–8 кылаас үөрэнээччилэрин быһыыны-майгыны сыаналааһын саҕаланыа, «Улахан суолталаах кэпсэтиилэр» салҕаныахтара, оттон оҕо уһуйааннарыгар мэтэдиичэскэй сүбэлэр уонна «Үтүө оонньуулар» бырайыак бэлэмнэннилэр.
Ааптар хаартыскаҕа түһэриитэ
-
0
-
0
-
0
-
0
-
0
-
0
