Диана Егоровна Соломонова, Таатта улууһун Орто Амма нэһилиэгин дьокутааттарын сэбиэтин бэрэссэдээтэлин солбуйааччы:
--Таатта улууһун дьокутааттарын аатыттан эһигини Арассыыйа Федерациятын Федеральнай Мунньаҕын Судаарыстыбаннай Дууматын IX ыҥырыылаах дьокутааттарын талар быыбарга көхтөөхтүк кыттаргытыгар ыҥырабын!
Судаарыстыбаннай Дуума бу биһиги Ийэ дойдубут үрдүкү сокуону таһаарар уорганынан буолар. Биһиги федеральнай парламеммытыгар бэйэбит бэрэстэбиитэллэрбитин таллахпытына, инникибитин түстүүбүт, бүддьүөт туһунан сокуоннар ылыллаллар, эрэгийиэннэргэ өйөбүл оҥоһуллар, экэниэмикэ сайдар, кыраасданнары социальнай өттүнэн көмүскээһин күүһүрэр, суверенитет бөҕөргүүр уонна төрүт сыаннастарбыт чөл хаалаллар.
Сахабыт Сирэ мэлдьи түмсүүлээҕинэн, муударайынан уонна төрөөбүт дойду дьылҕатыгар барыбытыттан долгуйарбытынан биллэр-көстөр. Саха Сирэ бүгүн дойду экэнэмиичэскэй кыаҕын тирэҕэ, стратегическай суолталаах эрэгийиэнинэн буолар. Биһиги куоласпыт федеральнай таһымҥа дорҕоонноохтук иһиллиэхтээх.
-
0
-
0
-
0
-
0
-
0
-
0
