Өлүөхүмэ улууһун борокуруора олохтоох киһиэхэ холуобунай дьыалаҕа судаарыстыбаннай буруйдааһыны өйөөтө. Кини РФ Холуобунай кодексатын 159.2 ыст. 3 ч. (улахан кээмэйдээх төлөбүрдэри ылаары түөкүннээһин) буруйданна диэн Саха Өрөспүүбүлүкэтин борокуратуурата иһитиннэрэр.
Суокка быһаарыллыбытынан, эр киһи тыа хаһаайыстыбатын потребительскай кэпэрэтиибигэр үлэлиир туһунан сымыйа докумуоннары оройуон дьаһалтатыгар туттарбыт. Ол түмүгэр судаарыстыбаннай бырагырааманы олоххо киллэрии чэрчитинэн, олорор дьиэни туттарыгар бүддьүөттэн 777 000 солкуобайы ылбыт.
Сууттаммыт киһи эрдэ боруостаабатах сууттаммыттаах уонна кутталлаах хатыланар (рецидив) буолан, суут кинини 2 сыл 8 ыйга кытаанах эрэсиимнээх холуонньаҕа көҥүлүн быһарга уураахтаата. Борокуруор ирдэбилинэн, киниэхэ буруйу оҥоруу түмүгэр тахсыбыт хоромньу сууматын толуйарга (взыскать) уураах ылылынна.
Саха Өрөспүүбүлүкэтин Үрдүкү суута бириигэбэри уларыппата, оттон буруйданааччы адвокаттарын ааһынар үҥсүүтэ ылыллыбата.
-
0
-
0
-
0
-
0
-
0
-
0
