Өрөспүүбүлүкэ борокуруора Мэҥэ Хаҥалас улууһун икки олохтооҕун холуобунай дьыалатыгар буруйдуур түмүгү бигэргэттэ. Кинилэр РФ ХК 171.2-с ыстатыйатын 3-с чааһынан (оонньуур зона тас өттүгэр оонньуур тэрилинэн туһанан, тэриллиилээх бөлөҕүнэн сокуоннайа суох оонньуулары тэрийии уонна ыытыы) буруйданаллар.
Силиэстийэ сабаҕалыырынан, бу дьону кытта холуобунай дьыала суукка эрдэ ыытыллыбыт, кинилэр тэриллиилээх бөлөҕү тэрийбиттэр, онно аҕыстан итэҕэһэ суох тэриллиилээх бөлөх киирэ сылдьыбыт, олортон биирэ Мэҥэ Хаҥалас улууһугар үлэлээбит.
Ону тэҥэ, «улууска көрөр киһи» (үөһээ ааттаммыт дьон анаабыттар) салалтатынан буруйданааччылар 2022 сыл тохсунньутуттан 2024 сыл тохсунньутыгар диэри кэмҥэ, тэриллиилээх бөлөх састаабыгар, ыйдааҕы былаан быһыытынан, сүрүннээн киэһээҥҥи уонна түүҥҥү бириэмэҕэ, кытаанах кистэлэҥ усулуобуйаҕа, оонньуур остуолларынан, хаарталарынан уонна фишкаларынан туһанан хаарты оонньуутун тэрийэллэрэ уонна ыыталлара.
Сокуоннайа суох оонньуулартан ылыллыбыт дохуот суумата 478 тыһыынча солкуобайтан итэҕэһэ суох буолбут.
Холуобунай дьыала борокуратууранан суукка ис хоһоонун көрөргө ыытылынна.
-
0
-
0
-
0
-
0
-
0
-
0
