Издательский дом Редакция Подписка
Погода в Якутске: . -20 oC

Ил Түмэҥҥэ «Сиэрдээх  Арассыыйа — патриоттар кырдьык туһугар» фракция ДНР Кировскай куоратын уулуссатыгар Сэбиэскэй сойуус дьоруойа Клавдий Краснояров уонна Федор Попов аатын иҥэрэргэ этии киллэрдэ. Ол туһунан фракция салайааччыта Софрон Афанасьев ыам ыйын 3 күнүгэр иһитиннэрдэ.

Ил Түмэҥҥэ «Сиэрдээх  Арассыыйа — патриоттар кырдьык туһугар» фракция ДНР Кировскай куоратын уулуссатыгар Сэбиэскэй сойуус дьоруойа Клавдий Краснояров уонна Федор Попов аатын иҥэрэргэ этии киллэрдэ. Ол туһунан фракция салайааччыта Софрон Афанасьев ыам ыйын 3 күнүгэр иһитиннэрдэ.

«Аҕа дойдуну көмүскүүр сэриигэ биһиги  киэн туттар дьоруойдарбыт хорсун быһыыны көрдөрбүттэрэ, сырдык тыыннарын толук уурбуттара. Клавдий Краснояров Александр Матросов хорсун быһыытын хатылаан, биһиги саллааттарбыт Днепр өрүс уҥуор кытылын ылбыттара.

Федор Попов Днепр өрүһү туоруурга өстөөх 50 саллаатын уонна офицердарын кыргыбыта, Кыһыл аармыйа сүрүн күүһэ кэлиэр диэри тулуктаспыта. Улаханнык бааһыран, 1943 с. олохтон туораабыта.

Орто дойдуттан барбыттарын кэннэ иккиэннэригэр Сэбиэскэй сойуус дьоруойа үрдүк ааты иҥэрбиттэрэ», — диэн кэпсиир Софрон Афанасьев.

2022 с. бэс ыйын 28 күнүгэр түһэрсиллибит сөбүлэһии быһыытынан, өрөспүүбүлүкэ ДНР Кировскай куоратын социальнай эбийиэктэрин чөлүгэр түһэрэргэ, олохтоохтор эйэлээх олоххо төннөллөрүгэр көмөлөһөр.

Улуу Кыайыы 78 сылын көрсө Саха Сирэ киэн туттар дьоруойдарын аатын үйэтитэр туһунан этиини «Сиэрдээх  Арассыыйа — патриоттар кырдьык туһугар» фракция ДНР Кировскай куоратын дьаһалтатын баһылыгар С.В. Ермаковка ыытта.

Хаартыска: ЯСИА, Дьокуускай куорат ВВ ЦБС  

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением