«Эппиэтэ дьэҥкэ: үс уонна онтон элбэх оҕолоох аҕалар хомууртан босхолонуохтаахтар. Бүгүҥҥү күҥҥэ 9500-тэн тахса аҕаны ыҥырар уураахтар көтүрүлүннүлэр. Кинилэр воинскай чаастартан төттөрү ыҥырыллан дьиэ кэргэттэригэр төнүннүлэр», - диэн иһитиннэрдэ Госдума Бэрэссэдээтэлэ Вячеслав Володин.
Кини ыҥырыы хамыыһыйалара Оборона министиэристибэтин уонна Генштаб директиваларын тутуһаллара наадалааҕын эттэ.
Вячеслав Володин хомууртан кими босхолуулларын санатта:
- байыаннай сулууспаҕа доруобуйа туругунан быстах кэмҥэ сөбө суоҕунан билиниллибит киһи;
- медицинскэй-социальнай экспертиза федеральнай тэрилтэтин түмүгүнэн доруобуйаларын туругунан тастан мэлдьи көрүүгэ-истиигэ (көмөҕө) наадыйар эбэтэр I бөлөх инбэлиитэ буолар аҕаларын, ийэлэрин, ойохторун, эрдэрин, бииргэ төрөөбүт бырааттарын, бииргэ төрөөбүт балыстарын, эһэлэрин, эбэлэрин, кииринньэҥ ийэлэрин, кииринньэҥ аҕаларын (бу гражданнары сокуонунан иитэр-аһатар эбээһинэстээх атын киһи суох буоллаҕына) мэлдьи көрө-истэ сылдьааччы;
- сааһын ситэ илик бииргэ төрөөбүт быраатын уонна/эбэтэр бииргэ төрөөбүт балтын эппэкиинэ эбэтэр бэпэчиитэлэ;
- үс уонна онтон элбэх 16 сааһын туола илик оҕону иитэр-аһатар киһи;
- биир уонна онтон элбэх оҕолоох дьахтар;
- биир оҕону ийэтэ суох иитэ сылдьар эр киһи.
«Судаарыстыбаннай Дуума дьокутааттарын өттүлэриттэн хонтуруолу хааччыйыахпыт», - диэн эбэн эттэ Вячеслав Володин.
-
0
-
0
-
0
-
0
-
0
-
0
