Издательский дом Редакция Подписка
Погода в Якутске: . 20 oC

Бэс ыйын 18 күнүгэр Ил Түмэҥҥэ Саха Өрөспүүбүлүкэтигэр элбэх оҕолоох дьиэ кэргэн статуһун туһунан сокуону толорууну Андрей Николаев салалтатынан парламент хонтуруоллуур кэмитиэтин киэҥ ыҥырыылаах мунньаҕар дьүүллэстилэр.

Бэс ыйын 18 күнүгэр Ил Түмэҥҥэ Саха Өрөспүүбүлүкэтигэр элбэх оҕолоох дьиэ кэргэн статуһун туһунан сокуону толорууну Андрей Николаев салалтатынан парламент хонтуруоллуур кэмитиэтин киэҥ ыҥырыылаах мунньаҕар дьүүллэстилэр.

Парламентарий мунньаҕы арыйарыгар элбэх оҕолоох ыаллар бырааптарын олоххо киллэрэр сокуону толорууну дьүүллэһэри үстүү уонна түөртүү оҕолоох ийэлэр көҕүлээбиттэрин бэлиэтээтэ.

«Биллэн турар, биһиги өрөспүүбүлүкэбитигэр дьиэ кэргэн уонна оҕо-аймах үнүстүүтүн бөҕөргөтүүгэ, сайыннарыыга, үгэс буолбут сыаннастары харыстааһыҥҥа ураты болҕомто ууруллар. Ол эрээри, Саха Өрөспүүбүлүкэтигэр элбэх оҕолоох ыаллар бырааптарын олоххо киллэрии боппуруостара туспа болҕомтону эрэйэллэр. Чуолаан, биирдиилээн быраап нуормалара эбэтэр быраактыкалара элбэх оҕолоох ыалларга тэҥэ суох сыһыаны үөскэтэллэр. Ол иһин, чопчу бу тиэмэни ордук сиһилии дьүүллэһэргэ быһаарыы ылылынна. Ону таһынан, өрөспүүбүлүкэҕэ элбэх оҕолоох ыаллары олорор дьиэнэн хааччыйыы боппуруостарын көрүөхпүт», – диэн дьүүллэһии тиэмэтин Ил Түмэн хонтуруоллуур кэмитиэтин бэрэссэдээтэлэ Андрей Николаев бэлиэтээтэ.

Сүрүн иһитиннэриилэри СӨ үлэҕэ уонна социальнай сайдыыга миниистирэ Елена Волкова, «Дьокуускай куорат элбэх оҕолоох ийэлэрин сэбиэтэ «Счастливый мир» куораттааҕы уопсастыбаннай тэрилтэ бэрэссэдээтэлэ Галина Сидорова, РФ юстицияҕа министиэристибэтин Саха Өрөспүүбүлүкэтээҕи муниципальнай тэриллиилэр устааптарыгар эрэгийиэннээҕи сокуону таһаарыыга уонна регистрациялааһыҥҥа салаатын кылаабынай исписэлиис-эспиэрэ Анастасия Филиппова оҥордулар.

Дакылааттары истэн баран норуот дьокутааттара Александр Атласов, Иннокентий Романов,  Георгий Степанов, Александр Корякин, Светлана Давыдова, Игорь Григорьев, Андрей Находкин,  Алена Атласова,  Андрей Николаев,  Нюргуяна Заморщикова элбэх оҕолоох ыаллары социальнай өйөөһүн дьаһалларын олоххо киллэриигэ сыһыаннаах ыйытыылары биэрдилэр уонна санааларын эттилэр.

Дьокутааттар таарыйбыт сүрүн кыһалҕалар ортолоругар чэпчэтиилэри уонна толуйуулары оҥотторууга уустуктар, бүддьүөт сорох ыстатыйаларын ситэтэ суох үбүлээһин, элбэх оҕолоох ыаллар уопсастыбаннай тырааныспар уонна култуура, успуорт тэрилтэлэрин өҥөлөрүгэр тиийинэллэрин хааччахтааһын, олорор дьиэни тутуу уонна тупсарыы бэлиэтэннилэр.

Элбэх оҕолоох ыалларга чэпчэтиилээх ипэтиэкэни биэриини «Ыксаллаах быһыыга-майгыга көмөлөһөр Маяк» эрэгийиэннээҕи уопсастыбаннай тэрилтэ юриһа Саяна Полятинская тоһоҕолоон бэлиэтээтэ.

Бу Хонтуруоллуур кэмитиэтин киэҥ ыҥырыылаах мунньаҕын туһунан сиһилии «Ил Түмэн» хаһыат кэлэр нэдиэлэтээҕи таһаарыытыгар ааҕаарыҥ.

Антонина НЕУСТРОЕВА.

Хаартыска: Ил Тумэн пресс-сулууспата

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением