Издательский дом Редакция Подписка
Погода в Якутске: . 4 oC

Тохсунньу 22 күнүттэн олунньу 1 күнүгэр диэри Дьокуускай куоракка СѲ Баhылыгын саахымакка Кубогын иккис түһүмэҕэ эр дьон ортолоругар ыытыллыаҕа.  Ол туhунан Саха НКИХ иhитиннэрдэ.

Тохсунньу 22 күнүттэн олунньу 1 күнүгэр диэри Дьокуускай куоракка СѲ Баhылыгын саахымакка Кубогын иккис түһүмэҕэ эр дьон ортолоругар ыытыллыаҕа.  Ол туhунан Саха НКИХ иhитиннэрдэ.

Бу турнир өрөспүүбүлүкэҕэ иккис төгүлүн ыытыллаары турар. Бастакы түһүмэх тохсунньу 8 күнүгэр Новосибирскайга, Кольцово бөһүөлэккэ буолбута.

Дойду үрдүнэн ыытыллар саахымат күрэҕэр 1800-тэн тахса рейтиннаах эр дьон уонна 1700-тэн тахса рейтиннаах кэрэ аҥаар кыттыахтарын сөп. СѲ Баhылыгын Кубогар ситиhиилээхтик кыттыбыттар Арассыыйа Кубогын түмүктүүр күрэҕэр күѳн кѳрсүѳхтэрэ.

СӨ саахыматын федерациятын бэрэсидьиэнэ, өрөспүүбүлүкэ норуодунай депутата Владимир Егоров иһитиннэрбитинэн, Саха Сириттэн ФИДЕ маастардара Дмитрий Егоров, Гумар Моисеев, Владимир Таппыров, Роман Ганжуров, спорт маастарыгар хандьыдааттар Максим Попов, Денис Назаров уо.д.а. кыттыахтара.

Күрэхтэһии уопсай бирииһин пуондата 1 мөл. 240 тыһ. солк. Кыайыылаахтарга «Киэргэ» ювелирнай тэрилтэ мэтээлин уонна «Кѳмүлүѳк» хампаанньа анал кубоктарын туттарыахтара. Ону таһынан анал бириистэр бааллар.

СѲ Баhылыгын Кубогын чэрчитинэн, саахыматы таптааччыларга эбии бырагыраама көрүллүөҕэ: блицтурнир, кылгас күрэхтэр, сэминээрдэр, гроссмейстердар маастар-кылаастара буолуохтара.

Турнир Национальнай уус-уран түмэлгэ ыытыллыаҕа.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением