Барыта 50 дьокутааттаах оройуон Сэбиэтэ икки ыҥырыыга талыллан, барыта, 10 сыл үлэлээтэ. Аны күһүҥҥү быыбарга оройуон Сэбиэтигэр икки төгүл аҕыйах — 25 дьокутаат талыллара күүтүллэр.
Оройуон Сэбиэтин бэрэссэдээтэлэ Гаврил Корякин бииргэ үлэлээбит кэллиэгэлэригэр истиҥ махтал тылларын анаата. Кини оройуоннааҕы Сэбиэт 5 сыл устата улуус социальнай-экэнэмиичэскэй сайдыытыгар туһуламмыт элбэх быһаарыылары, улуус бүддьүөтүн кэмигэр ылыныллыбыттары, барыта 42 сиэссийэ тэриллэн ыытыллыбытын, ол иһигэр, хамсык дьаҥа турбут, элбэх хааччах биллэриллибит кэмигэр оройуон Сэбиэтэ уонна улуус дьаһалтата бииргэ түмсүүлээхтик үлэлээбиттэрин бэлиэтээтэ.
Бэлиэтээн эттэххэ, улууска «Хаарбах дьиэттэн көһөрүү» бырагыраама харгыһа суох үлэлээбитигэр, элбэх социальнай хайысхалаах тутуу ыытыллыбытыгар оройуон тѳрдүс Сэбиэтин дьокутааттарын ѳҥѳлѳрѳ улахан.
Источник: «Олох суола» хаhыат.
-
0
-
0
-
0
-
0
-
0
-
0
