Сахабыт Сирин судаарыстыбаннаһын төрүттүүргэ дьоһун кылааттарын киллэрбит судаарыстыбаннай уонна бэлитиичэскэй диэйэтэллэр Былатыан Ойуунускай, Максим Аммосов, Исидор Барахов, Степан Аржаков, о.д.а. пааматынньыктарыгар, үтүө үгэс быһыытынан, сибэкки дьөрбөтүн ууруохтара.
Былатыан Ойуунускай аатынан литературнай түмэлгэ историяны билиэн баҕалаах дьоҥҥо бүгүн 10-18 ч. аан аһаҕас, «Арассыыйа — мин историям» историческай пааркаҕа 11 ч. анал байыаннай эппэрээссийэ дьоруойдарыгар анаммыт быыстапка аһыллыаҕа. Дьокуускай Кырдьаҕас куоратыгар «Симэх» арт-салоҥҥа 15 ч. норуот маастардарын «Саха Сирин быысапкаламмыт каартата» диэн өрөспүүбүлүкэтээҕи аахсыйа ыытыллыаҕа.
17 ч. Комсомольскай болуоссакка куорат олохтоохторо уонна ыалдьыттара бырааһынньыктааҕы кэнсиэргэ мустуохтара. 18 ч. ити болуоссакка доҕордоһуу оһуохайа бар дьону түмүөҕэ. 19 ч. «Триумф» спортивнай кииҥҥэ уопсастыбаннас мунньаҕа буолуоҕа.
-
0
-
0
-
0
-
0
-
0
-
0
