“Орео” бэчиэнньэ
“Орео” бэчиэнньэ дьиэҕэ оҥоһуллар ырысыаба.
115 г. ынах арыыта
25 мл, үүт
1 уст. сымыыт
150 г. бурдук
50 г. какао бороһуок
100 г. саахар
2 бакыат, ванильнай саахар
5 г. үлүннэрэр (разрыхлитель)
140 г. саахар пудрата
Бурдугу, какао бороһуогу, разрыхлители уонна биир бакыат ванильнай саахары биир иһиккэ кутан кураанахтыы булкуйабыт.
90 г. ынах арыытыгар саахар кутан баран миксердиибит.
Ол кэннэ ити хойуу убаҕаска сымыыт кутабыт уонна эмиэ булкуйабыт.
Бастакы булкааска оҥорбут убаҕаспытын кутабыт уонна тиэстэ мэһийэбит.
Тиэстэни икки аҥыы араарабыт. Ас салапааныгар суулуубут. Онтон халадыынньыкка 30 мүнүүтэ сөрүүкэтэ уурабыт.
Кириэм оҥоробут. 25 г. ынах арыытыгар саахар пудратын, 1 бакыат ванильнай саахары уонна 25 мл үүтү кутан баран миксеринэн булкуйабыт. Кириэми асчыт мөһөөччүгэр (кондитерский мешок) кутабыт уонна халадыынньыкка сөрүүкэтэ уурабыт.
Тиэстэни халадыынньыктан хостуубут. Тэнитэбит. Ыстакаан айаҕа кээмэйдээх бэчиэнньэлэри быһаттаан ылабыт. Пергамент кумааҕыны арыылаан баран онно ууран духуопкаҕа буһара уурабыт.
Духуопкаҕа 170 кыраадыска 10 мүнүүтэ буһуохтаах.
Бэчиэнньэлэр сойбуттарын кэннэ кириэмниибит, бэйэ-бэйэлэригэр хам сыһыартыыбыт.
“Орео” бэчиэнньэни үүттээх чэйи кытта сииллэр. Олус минньигэс! Ньам-ньам!
Минньигэс бискибиит
Судургу минньигэс бискибиит ырысыаба.
3 сымыыт
0,5 ыстакаан саахар
0,5 ч. нь. үлүннэрэр (разрыхлитель)
Ванилин
3 толору ост. нь. бурдук
Духуопканы 200 кыраадыска холбуубут. Сымыыты саахары кытта күүгэннэниэр диэри булкуйабыт. Онтон бурдук, ванилин, үлүннэрэр кутабыт. Барытын күүскэ булкуйабыт. Противеҥҥа кумааҕы тэлгиибит, мас арыытынан сотобут уонна 5-10 мүнүүтэ духуопкаҕа буһарабыт. Буспут бискибиити таһааран ортотунан аҥаардыыбыт. Сгущенканан умньуубут уонна фруктанан киэргэтэбит.
Минньигэстик аһааҥ!
-
0
-
0
-
0
-
0
-
0
-
0
