--Дьиҥэр, сарсыарда өттүгэр күннээх куйаас этэ. Онтон хара былыт халыйан кэлэн, эмискэ тобурахтаан барбыта. Тобурахпыт сыыйа ардахха кубулуйбута. Чаас курдук оннук кутан баран, эмиэ халлаан халлан хаалла, күн тыкта.
Хаптаҕас ситэн, дьон сир астаан эрэр. Отчуттар ходуһаҕа киирбиттэрэ. Олору бу быстах былыт ыксатан ылла.
Билигин барыта уулунна. Мин таһырдьааҥҥы помидордарым эҥин туох да буолбатахтар курдук, этэҥҥэ тураллар. Батсааптан көрдөххө, сорохтор оҕуруоттарын тоҕута түспүт быһыылаах, -- диэн кэпсиир Чөркөөх олохтооҕо Семен Неустроев.
-
0
-
0
-
0
-
0
-
0
-
0
