Роспотребнадзор управлениетын чахчытынан, 36 киһи ыалдьыбытыттан стационардарга 6 киһи киллэриллибит. Күн бүгүҥҥү туругунан, ыарыһах 14 %-а стационарга, 85 %-а амбулаторияҕа эмтэнэр. Ааспыт күннэргэ 778 анаалыс чинчийиллибит, санатан эттэххэ, пандемия саҕаланыаҕыттан 2 401 021 тест оҥоһуллубут.
Быһыыны ылбатах дьоннор ордук ыараханнык ыалдьаллар. Билиҥҥи туругунан ковидтан сэрэтэр бастакы быһыыны 639 721 киһи, өрөспүүбүлүкэ нэһилиэнньэтин 89 %-а ылбыт. Хаттаан быһыыны (ревакцинацияны) 168 568 киһи, ол эбэтэр болдьохторо туолбут дьон 67 %-на ылбыт. Быһыыны хаттаан ылыы тэтимэ Алдан, Горнай, Дьааҥы, Мэҥэ Хаҥалас, Мирнэй, Нам, Нерюнгри, Орто Халыма улуустарыгар уонна Дьокуускайга бытаан. Суһал ыстаап бу уодаһыннаах ыарыыттан көмүскэнэр иммунитеты күүһүрдэр инниттэн быһыыны ылар наадатын өссө төгүл санатар.
- 0
- 0
- 0
- 0
- 0
- 0