Сэтинньи 11 күнүгэр Өктөмнөөҕү лицейгэ Хаҥалас улууһун оскуолаларын дириэктэрдэрин үгэс буолбут дьыалабыай көрсүһүүлэрин чэрчитинэн, Михаил Ефимович Николаев аатын научнай-үөрэх киинигэр иҥэрии үөрүүлээх аһыы сиэрэ-туома ыытылынна.
Маны сэргэ «Хаҥыл» сурунаал 13-с саҥа нүөмэрин сүрэхтэниитэ буолан ааста. Бу сурунаал 13-с нүөмэрин билиһиннэрии улуустааҕы Гавриил Ксенофонтов аатынан кыраайы үөрэтэр түмэлгэ буолла. Саҥа таһаарыы СӨ Бастакы Бэрэсидьиэнэ Михаил Николаев 85 сааһыгар ананна. Сурунаал туһунан бырайыак салайааччыта Лариса Константинова. Улуус устуоруйатын сырдатар «Хаҥыл» сурунаал 2012 сылтан тахсар. Сурунаал бу нүөмэригэр М.Е.Николаев уопсастыбаннай-бэлитиичэскэй үлэтин сырдатар ыстатыйалар, ахтыылар киирдилэр.
Мустубут салайааччылар биир дойдулаахпыт Михаил Ефимович Николаев Сахабыт Сирин сайдыытыгар сүдү оруоллааҕын махтана бэлиэтээтилэр. Сурунаал ис-тас көстүүтүн, суруйуулар ис хоһооннорун олус сэргээтилэр уонна сылга иккитэ тахсарыгар санааларын эттилэр, көмөлөһөргө дьулуһуохпут диэтилэр, редакционнай коллегияҕа махталларын тириэртилэр.
-
0
-
0
-
0
-
0
-
0
-
0
