Бастыҥнары ахсынньы 23 күнүгэр Дьокуускайга буолбут «Чөмпүйүөннэр баалларыгар» быһаардылар. Кини кэнниттэн иккис миэстэҕэ Арассыыйа күүстээхтэрин спартакиадатыгар бастаабыт дзюдоистка Карина Ефимова таҕыста.
Үһүс миэстэ мас-рестлиҥҥэ аан дойду чөмпүйүөнэ Семен Ануфриев буолла. Кини быйыл ыытыллыбыт күрэхтэһиилэргэ тэҥнээҕин булбатаҕа. Оттон буоксаҕа Арассыыйа биэс төгүллээх чөмпүйүөнэ буолары ситиспит Василий Егоров төрдүс миэстэҕэ таҕыста.
Кини кэнниттэн боевой самбоҕа Европа чөмпүйүөнэ буолары ситиспит Валерий Ергалов бэһис киһинэн бастыҥнар испииһэктэригэр ааттанна.
Алтыс миэстэ кросска уонна чэпчэки атлетикаҕа Арассыыйа боруонса призера Наталья Леонтьева буолла.
Оҕунан ытааччы Рената Гаврильева сэттис биэтэккэ таҕыста. Оттон дуобатчыт Николай Стручков ахсыс миэстэ буолла.
Салгыы бастыҥ спортсменнар кэккэлэрин тохсус, онус миэстэлээхтэринэн кикбоксиҥҥа дойду чөмпүйүөнэ буолбут Михаил Иванов уонна спортиҥҥа бастыҥ көрдөрүүлэрдээх Айаал Макаров ааттаннылар.
-
0
-
0
-
0
-
0
-
0
-
0
