Нэһилиэк олохтоохторугар, улуус уонна нэһилиэк салайааччыларыгар туһаайан Александр Николаевич омукпут кэскилин туһугар аан бастаан кыра, аҕыйах нэһилиэнньэлээх түөлбэлэр интириэстэрэ көмүскэниллэр, хас биирдии түөлбэлээн олорор нэһилиэктэрбит кыратыттан улаханыттан тутулуга баар буолууларын ситиһэр гына үлэ ыытыллыахтааҕын туһунан эттэ.
Быйыл аҕыйах ахсааннаах оҕолоох оскуолалар дьылҕаларыгар кэнэҕэски өттүгэр араас өрүттээх түмүктэрдээх буолар кыахтаах “Саха Өрөспүүбүлүкэтигэр үөрэх туһунан” сокуонҥа уларытыылары киллэрэр туһунан Бырабыытылыстыба оҥорон киллэрбит бырайыагын Ил Түмэн депутаттара ылыммаккалар, бэйэлэрэ, аҕыйах ахсааннаах үөрэнээччилээх оскуолалары харыстыырга туһуламмыт саҥа сокуон ылыммыттарын, ол түмүгэр мантан ыла ханнык оскуола аҕыйах үөрэнээччилээх оскуола ахсааныгар киириэхтээҕин, ол критерийдэрин Ил Түмэн бэйэтэ быһаарар буолбутун туһунан иһитиннэрдэ.
Түмүккэ Александр Николаевич маннык оскуолаларга оҕо ахсааныттан тутулуга суох үөрэх таһыма үрдээн иһэригэр таһаарыылаах үлэни, оҕолорго үүнүү-сайдыы үктэллэрин дабайан иһэллэригэр, бары этэҥҥэ буолалларыгар баҕа санаатын эттэ.
Саҥа Дьылы көрсө депутаппыт А.Н. Жиркову кытта көрсүһүү 2013 сыллаахтан үтүө үгэскэ кубулуйан ыытыллар. Быйыл Александр Николаевич тохсус сырыытын кэлэн, кырачааннарга тус бэйэтинэн бэлэхтэрин туттартаан үөртэ.
-
0
-
0
-
0
-
0
-
0
-
0
