Бырайыак сыалынан суруйар дьоҕурдаах оҕолор айымньыларын Национальнай бибилэтиэкэ электроннай издательствотын нөҥүө электроннай кинигэ оҥорон таһааттаран, дьоҥҥо-сэргэҕэ үлэлэрин билиһиннэрии, кинилэри киэҥ эйгэҕэ тахсалларыгар көмөлөһүү буолар.
“Ситим-медиа” бөлөх иһинэн тахсар “Байдам” сурунаал 2022 сыл 6 №-гэр «Ааптар-оҕолор» бырайыак кыттыылааҕа Гаврильев Миша «Булт абылаҥа» ыстатыйата таҕыста.
Миша - Бүлүү улууһун Н.А. Алексеев аатынан II Күүлэт орто оскуолатын 9 кылааһын үөрэнээччитэ, «Тыл – омук тыына» күрэс 7-9 кылаастарга «Бастыҥ ис хоһоонноох үлэ» Анал аат хаһаайына, «Арктика киэҥ эйгэтин оҕо кинигэтин нөҥүө сырдатыы» диэн оҕолорго аналлаах издательскай уонна визуальнай айымньылаах бырайыактар бастакы норуоттар икки ардыларынааҕы күрэстэрин “18 саастарыгар диэри суруйар ааптардар” аат кыайыылааҕа. Салайааччыта – саха тылын уонна литэрэтиирэтин учуутала Федорова Лариса Ефимовна.
-
0
-
1
-
0
-
0
-
0
-
0
