Бу үлэ Саха Өрөспүүбүлүкэтигэр 2021 сылтан үлэлиир «Сыыппараҕа тэҥэ суох буолууну туоратыы» федеральнай бырайыак чэрчитинэн ыытыллыбыт. Күн бүгүн өрөспүүбүлүкэ 56 нэһилиэнньэлээх пууна мобильнай, түргэн интернеккэ холбонон олорор.
– Ыраах сытар кытыы сэлиэнньэлэр олохтохторугар мобильнай сибээс уонна түргэн интернет олус наадалаах инфраструктура. Быйыл Өймөкөөн улууһун өссө түөрт сэлиэнньэтэ сибээс аныгы өҥөтүн туһанар буолуоҕа. Үлэ салҕанар, – диэтэ миниистир Петр Николаев.
– Интернеппит быдан тубуста, видеосибээһинэн туһанар, наадалаах докумуоннары ыытар, Судаарыстыба өҥөтүн парталыгар көҥүл киирэр уонна ыраах сирдэргэ олорор аймахтарбытын кытары хайа талбыт сибээстэһэр буолан абыранныбыт, – диэн Төрүт олохтооҕо Елизавета Мунгалова үөрүүтүн үллэстэр.
Кэлэр 2027 сылга мобильный интернети ханна киллэрэри өрөспүүбүлүкэ олохтоохторо бэйэлэрэ талыахтара. Сыыппара технологияларын сайыннарыы федеральнай министиэристибэтэ 100-тэн 1000 киһиэхэ диэри нэһилиэнньэлээх пууннарга 2027 сылга 4G/LTE ситими киллэриини быһаарар куоластааһыны тэрийэр. Куоластааһын 2026 сыл сэтинньи 8 күнүгэр диэри Судаарыстыба өҥөтүн порталыгар (https://www.gosuslugi.ru/inet), буостанан ыытыллар. Ол түмүгүнэн, 4G/LTE ыстаансыйа туруоруллар нэһилиэнньэлээх пууннар кэрискэлэрэ оҥоһуллуоҕа диэн Инновация, сыыппара сайдыытын уонна инфокоммуникационнай технология министиэристибэтин пресс-киинэ иһитиннэрэр.
Хаартыска: Инновация, сыыппара сайдыытын уонна инфокоммуникационнай технология министиэристибэтин саайтыттан.
-
0
-
0
-
0
-
0
-
0
-
0
