Эрэгийиэннэргэ киоскалары төнүннэриэхтэрин баҕараллар
Издательский дом Редакция Подписка
Погода в Якутске: . -48 oC

Дойдубут эрэгийиэннэринэн бөдөҥ атыы-эргиэн кииннэрин уонна маҕаһыыннарын иннилэригэр киоскалары арыйарга сүбэлээтилэр. Туһааннаах докумуону РФ субъектарынан дойду Вице-премьера, РФ Бырамыысыланнаска уонна атыыга-эргиэҥҥэ миниистирэ Денис Мантуров ыытта.

Дойдубут эрэгийиэннэринэн бөдөҥ атыы-эргиэн кииннэрин уонна маҕаһыыннарын иннилэригэр киоскалары арыйарга сүбэлээтилэр. Туһааннаах докумуону РФ субъектарынан дойду Вице-премьера, РФ Бырамыысыланнаска уонна атыыга-эргиэҥҥэ миниистирэ Денис Мантуров ыытта.

РФ Бырабыыталыстыбатыгар туһааннаах дьаһал дойду бородууксуйатын атыылааһынын кээмэйин үрдэтиигэ көмөлөһүө диэн эрэнэллэр. Экспиэрдэр киоскаларынан атыы-эргиэн олохтоох оҥорон таһаарааччылар бородууксуйаларын наадыйыытын улаатыннарыыга тиэрдэрин, бөдөҥ атыы-эргиэн кииннэрин уонна маҕаһыыннары иннилэригэр киоскалары туруорар  чахчы көдьүүстээҕин сыаналаатылар.

7gQFfZtMiK copy

Бу эбийиэктэр ахсааннарыгар павильоннар, киоскалар, балааккалар киирэллэр. Атыы-эргиэн бөдөҥ кииннэрин таһынааҕы учаастактарга чэпчэтиилээх усулуобуйаҕа эбэтэр босхо, бастатан туран, тыа хаһаайыстыбатын аһын-үөлүн, табаарын оҥорон таһаарааччыларга бэриллиэхтээх: таҥас-сап, атах таҥаһа оҥорооччуларга, ону тэҥэ пиэрмэрдэргэ.

Бу дьаһал ас-үөл куттал суох буолуутун хааччыйыыга, урбааны көҕүлээһиҥҥэ уонна атыы-эргиэн кыаҕын кэҥэтиигэ дойду Бырабыыталыстыбатын 2021 сыллааҕы дьаһалын олоххо киллэриигэ көмөлүүргэ туһуланар.

VQQiq2QF3V copy

Биэдэмистибэҕэ докумуон мэктиэ суругунан этиллэр, ол эрээри, быйыл сайын эрэгийиэн былаастара киоскалары арыйбыттарын уонна тэрийбиттэрин туһунан хаартысканан бигэргэтиллибит отчуоттары оҥоруохтаахтар. Аны туран атыы-эргиэн эбийиэктэрин схематын олохтоох салайыныы уорганнара бэйэлэрэ дьаһайаллар.

Санаттахха, уулуссаҕа уонна дьиэ таһынааҕы учаастактарга киоскалары төнүннэрии туһунан кэпсэтии 2022 сыл муус устар ыйыгар барбыта. Сорох эрэгийиэннэринэн бу көрүҥ дизайн-кодун уонна урбааны сайыннарыы стратегиятын ырытан оҥоһуллубуттара биллэр. Ол эрээри, оччолорго киоскалар үлэлэрин сөргүтүү атын соруктары быһаарарга туһуламмыта: нэһилиэнньэни социальнай суолталаах наадалаах табаардарынан  хааччыйыы уонна саҥа үлэ миэстэтин таһаарыы.

  • 1
  • 0
  • 0
  • 1
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Сэргээ

Моника

Университекка экэниэмикэҕэ лиэксийэ ааҕарын таһынан, Сандал Николаевич бастакы…
28.01.23 17:54