Норуот дьокутааттара Ленскэй куорат тэрилтэлэрин үлэлэрин-хамнастарын кытта билсистилэр. Ону тэҥэ, кэккэ боппуруостарынан Ленскэй оройуонун баһылыга Жумарт Абильмановы уонна улуус Мунньаҕын Сэбиэтин бэрэссэдээтэлэ Наталья Сидоркинаны кытта көрүстүлэр.
Батамай уонна Бэтинчэ сэлиэнньэлэригэр дьокутааттар нэһилиэнньэни кытта көрсүһүүлэри тэрийэн ыыттылар, тыа хаһаайыстыбатын табаары оҥорон таһаарааччы «Батамай» ХЭО үүт комплексыгар уонна «Аартык» СХПК-ҕа сырыттылар. Салгыы Егор Мыреев аатынан Бэтинчэ орто оскуолатын үөрэнээччилэрин уонна учууталларын кытта кэпсэттилэр.
Олунньу 9 күнүгэр Ленскэй оройуонун дьаһалтатыгар муниципальнай тэриллиилэр баһылыктарын, улуус Мунньаҕын Сэбиэтин дьокутааттарын кытта оробуочай мунньаҕы тэрийдилэр. Бу күннэргэ оробуочай дэлэгээссийэ Мииринэйгэ айанныыр.
-
0
-
0
-
0
-
0
-
0
-
0
