Издательский дом Редакция Подписка
Погода в Якутске: . -12 oC

Ааспыт нэдиэлэҕэ, олунньу 15-16 күннэригэр, Ньурба к. Степан Васильев аат. Ньурбатааҕы элбэх хайысхалаах гимназияҕа «Мин уонна мин уhуйааччым» профессиональнай маастарыстыба III ѳрѳспүүбүлүкэтээҕи куонкуруhа буолла.

Ааспыт нэдиэлэҕэ, олунньу 15-16 күннэригэр, Ньурба к. Степан Васильев аат. Ньурбатааҕы элбэх хайысхалаах гимназияҕа «Мин уонна мин уhуйааччым» профессиональнай маастарыстыба III ѳрѳспүүбүлүкэтээҕи куонкуруhа буолла.

Бу куонкурус ѳрѳспүүбүлүкэҕэ үѳрэх бэлиитикэтин олоххо киллэрэргэ эдэр учууталлары кѳхтѳѳхтүк кытыннарар, уhуйуу бастың педагогическай уопутун булан таhаарар уонна тарҕатар, оскуолаҕа айымньылаахтык үлэлиир эдэр педагогтары ѳйүүр уонна учуутал идэтин престиhын үрдэтэр сыаллаах-соруктаах ыытылынна.

Куонкуруска Анаабыр, Үѳhээ Бүлүү, Бүлүү, Эдьигээн, Мэңэ Хаңалас, Нам, Сунтаар, Таатта, Томпо, Хаңалас, Ньурба оройуоннарын уонна Дьокуускай к. педагогическай кэлэктииптэриттэн барыта 46 бэрэстэбиитэл күрэхтэстэ.

Кыттааччылар «Грани таланта», «Инновационно-образовательный проект молодого педагога», «Методический лайфхак наставника», «Современный урок для современных детей», «Педагогический ринг» уонна «Круглый стол» түhүмэхтэри аастылар.

1676545839842

Түмүккэ «Почетный Наставник» бэлиэ Саввинова Анна Ивановнаҕа, Д.И. Павлов аат. Ѳңѳлдьѳ орто оскуолатын химия учууталыгар, туттарылынна. 

Ньурбатааҕы гимназия анал бирииhин 2 № Национальнай политехническэй оскуола учууталлара Егорова Оксана Петровна уонна Колесова Айыына Сергеевна ыллылар.

«Урок - вершина мастерства» номинацияҕа - Попова Туяра Николаевна, Трофимова Светлана Николаевна (П.И. Шадрин аат. Ѳктѳм орто оскуолата, Хаңалас оройуона),  «Педагогическое мастерство» номинацияҕа: — Иванова Сардана Мироновна, Шадрина Ульяна Павловна (Эдьигээн орто оскуолата), «Золотой фонд» (уhуйааччы методическай лайфхага) номинацияҕа — Скрябина Александра Аркадьевна, Амбросьева Елена Дмитриевна (Е.М. Шапошников аат. Хамаҕатта орто оскуолата, Нам оройуона), «Лучший проект» (эдэр учуутал) номинацияҕа — Хамарова Туйаара Михайловна (Ф.К. Попов аат. 20 № орто оскуола), «Приз зрительских симпатий» номинацияҕа — Казакова Анна Николаевна, Антипина Майя Дмитриевна (Сааскылаах орто оскуолата, Анаабыр оройуона) кыайдылар.

III ист. дипломаннарынан Григорьев Антон Васильевич, Саввинова Анна Ивановна (Д.И. Павлов аат. Ѳңѳлдьѳ орто оскуолата), II ист. дипломаннарынан Филиппова Сайыына Михайловна, Анисимова Маргарита Николаевна (М.А. Алексеев аат. Үѳhээ Бүлүү ѳрѳспүүбүлүкэтээҕи лицей-интэринээтэ), I ист. дипломаннарынан Захаров Максим Алексеевич, Попова Августина Николаевна (Сунтаар гимназията) буоллулар.

«Мин уонна мин уhуйааччым» профессиональнай маастарыстыба III ѳрѳспүүбүлүкэтээҕи куонкурус кылаабынай бирииhин – Гран-при кубогын — Дьокуускай к. А.Г. уонна Н.К. Чиряевтар аат. Дьокуускай куораттааҕы национальнай гимназияттан Васильева Василина Васильевна, Илларионова Венера Илларионовна ыллылар.

Ньурба к. Н.И. Харитонова-Чуор аат. «Кыталык» култуура дыбарыаhыгар куонкурус үѳрүүлээх сабыллыытын кэмигэр Ньурба оройуонугар Уhуйааччы сыла саҕаламмытын туhунан биллэрилиннэ.

Бочуоттаах ыалдьыттарынан СѲ Ил Түмэнин Бэрэссэдээтэлэ Еремеев Алексей Ильич, СѲ Ил Түмэнин Бэрэссэдээтэлин солбуйааччыта Григорьева Антонина Афанасьевна, Ил Түмэн судаарыстыбаннай тутулга уонна олохтоох бэйэни салайыныыга сис кэмитиэтин бэрэссэдээтэлэ Прокопьев Владимир Михайлович, РФ профессиональнай үѳрэхтээhинин Бочуоттаах үлэhитэ, СѲ үтүѳлээх тутааччыта Буслаев Юрий Николаевич, Ньурба оройуонун баhылыгын I солбуйааччыта Бурнашев Николай Иванович буоллулар.

Источник: Степан Васильев аат. Ньурбатааҕы элбэх хайысхалаах гимназия.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением