Саха Сирин премьер-миниистирэ Андрей Тарасенко ѳрѳспүүбүлүкэ ыччата бэйэтин бастыҥ компетенцияларын уонна талааннарын кѳрдѳрбүтүн бэлиэтээтэ. Салгыы кини бэстибээл сүрүн кыайыылааҕар – Мэҥэ Хаҥалас оройуонугар 2 мѳлүйүѳн солкуобай суумалаах сэртипикээти туттарда.
Мэҥэ Хаҥалас оройуонун баhылыга Дмитрий Тихонов: «Мин биhиги ыччаппыт бэйэтин олоххо булбутуттан үѳрэбин. Олохтоохтор хас биирдии трегы кэтээн кѳрбүттэрэ уонна хамаандабытыгар ыалдьыбыттара. Ыччаттарбыт бэйэлэрин бириистэрин ханнык бырайыакка тутталларын бэйэлэрэ быhаарыахтара, оттон биhиги кинилэри ѳйүѳхпүт», — диэн эттэ.
Аартыка оройуоннарын ортолоругар бастыҥ аатын ылбыт Булуҥ оройуонугар 1 мѳлүйүѳн солкуобай суумалаах сэртипикээт туттарылынна.
Булуҥ оройуонун баhылыга Владимир Милославскай: «Биhиги кѳhүппэтэхпит, ол эрээри биhиги оҕолорбут бары тректарга туох баар кыахтарынан кытыннылар. Биhиэхэ күүстээх тыал түhэн рейстэр тутуллан, хамаанда чилиэннэриттэн сорохторо куоракка тѳhѳ да хойутаан тиийдэллэр, түргэнник бэлэмнэнэн, барыта табылынна уонна бүгүн биhиги кыайдыбыт», - диэн санаатын үллэhиннэ.
Источнига уонна хаартыскалар: СИА.
-
0
-
0
-
0
-
0
-
0
-
0
