Ходуһалартан ууну түһэриигэ бэйэлэрин кыахтарынан үлэлиир-хамсыыр нэһилиэктэр бааллара үөрдэр. Холобур, Бүлүү улууһун саамай уһук сытар Үгүлээт нэһилиэгин дьаһалтата (баһылык Октябрь Лукин) «Хотугу Бүлүү» диэн муниципальнай аптаныамынай тэрилтэни тэринэн, сааскыттан саҕалаан экскаваторынан 5 км усталаах хорууну хорон, ыраастаан, түөрт күөл уутун түһэрдэ. Ол түмүгэр, окко киириини көрсө ходуһа сирэ тахсарын хааччыйда.
Экскаватор, бульдозер курдук бөдөҥ кыамталаах тиэхиньикэлэри үлэлэтии дьоҕус нэһилиэк бүддьүөтүгэр охсуулааҕа өйдөнөр. Онон ороскуоту толуйууга туох эмит көмө көрүллэрэ буоллар, маннык үтүө тэрээһин өссө тэнийиэ эбит.
-
1
-
0
-
0
-
0
-
0
-
0
