Кэпсэтиини Арассыыйа Федерациятын Уопсастыбаннай балаататын хамыыһыйатын бэрэссэдээтэлин бастакы солбуйааччы Екатерина Агранович иилээн-саҕалаан ыытар. Онно Арассыыйа Федерациятын Уопсастыбаннай балаататын култуураҕа уонна духуобунай нэһилиэстибэҕэ хамыыһыйатын чилиэнэ Петр Лундстрем, Буойуттар дьиэ кэргэттэрин кэмитиэтин култуураҕа бырайыактарын салайааччы, документалист-режиссер Олеся Шигина, Уһук Илин уонна Арктика сайдыыларын корпорациятын территориялары сайыннарыыга итиэннэ «Уһук Илиҥҥи ипотека» бырайыакка департаменын дириэктэрэ Илья Петрасов, Саха Өрөспүүбүлүкэтин сибээскэ уонна информационнай технологияларга миниистирин солбуйааччы Георгий Андреев, уопсастыбанньыктар, бизнес-сообществолар бэрэстэбиитэллэрэ, актыбыыстар кыттыыны ылаллар.
Бырагыраама быһыытынан, кэккэ иһитиннэриилэр оҥоһуллуохтара. Олор истэригэр, «Сахафильм» судаарыстыбанной национальнай киинэ хампаанньатын салайааччы Алексей Егоров саха аныгы киинэтин, «Саха сиригэр оҥоһулунна» диэн өрөспүүбүлүкэ урбаанньыттарын ассоциацияларын бэрэссэдээтэлэ Ольга Григорьева норуот уус-уран оҥоһуктара экономикаҕа ылар оруолларын, «Арктика ювелирдара» ассоциация салайааччыта Галина Павлова ювелирнай производство экономика быстыспат сорҕото буоларын, Сайдыы корпорациятын генеральнай дириэктэрин солбуйааччы Елена Захарова креативнай экономика сайдыытыгар сахалыы ураты сыһыан, АГИКИ ректора Саргылаана Игнатьева айар каадырдары бэлэмнээһиҥҥэ төрүт үгэстэргэ тирэҕирии, Сыыппара технологиятын контенын сайдыытын кэтээн көрөр сэбиэт бэрэссэдээтэлэ Виталий Виноградов сыыппара контенын сайыннарыы Саха сиригэр креативнай индустрия кэскиллээх хайысхата буоларын туһунан, уо.д.а. дакылааттары оҥоруохтара. Ыйытыыларга хоруйдуохтара.
-
0
-
0
-
0
-
0
-
0
-
0
