Бэйэбит нэһилиэкпит, оскуола-уһуйаан көмөтүн, ханнык аахсыйаларынан туох үлэни ыыппыппыт туһунан хаартыскаларынан көрдөрөн кэпсээтибит, атын волонтерскай түмсүүлэр үлэлэрин көрөн-истэн, уопут атастастыбыт.
«Кыайыыга – бары бииргэ» пуоруму Анал байыаннай дьайыы бэтэрээнэ, ыччат миниистирэ Петр Шамаев салайан ыытта. Анал байыаннай дьайыыга сылдьар буойуттарга уонна кинилэр дьиэ кэргэттэригэр көмөнү тэрийиигэ волонтердар хамсааһыннара дьоһун суолталааҕын туһунан тоһоҕолоон бэлиэтээтэ, бастыҥ үлэлээх түмсүүлэргэ наҕараадалары туттартаата.
Мэҥэ Хаҥалас улууһун баһылыгын солбуйааччы Гаврил Толстяков, волонтердар штабтарын, Саллааттар ийэлэрин өрөспүүбүлүкэтээҕи түмсүүтүн салайааччы Мария Емельянова итиэннэ улуустар волонтерскай түмсүүлэрин бэрэстэбиитэллэрэ тыл эттилэр.
Элбэх боппуруостары хабан ыытыллыбыт улахан суолталаах пуорумҥа ахсынньы муҥутаан турар тымныытыгар тэрийэн ыыппыт нэһилиэкпит баһылыгар, улууспут дьаһалтатын АБДь-га анал исписэлииһигэр Туяра Орловаҕа уонна сылаас массыыналаах суоппардарбытыгар махталбытын тиэрдэбит.
Инникитин да бука бары биир санаанан Ил, Эйэ олохтонорун туһугар ыытыллар аахсыйаларга кыттыаҕыҥ!
Антонина Григорьева, Таатта улууһун Уус Амма нэһилиэгин «Үһүс көлүөнэ» түмсүүтүн салайааччы
-
2
-
0
-
0
-
0
-
0
-
0
