Яндекс, 1С, Учи.Дома, МЭО, Н.Э. Бауман аат. МГТУ, Иннополис Университетын, МФТИ, атын сүрүннүүр ИТ-хампаанньалар уонна үрдүк үѳрэх кыhаларын 20 куурустарыттан биирдэстэригэр суруттарыахха сѳп.
Оҕолор эрэгийиэннэргэ анал былаhааккаларга онлайн-форматынан эбэтэр офлайн үѳрэниэхтэрэ. Куурустарга Python, Java, C++, C#, 1С, Lua, SQL, JavaScript уонна атын тыллары биэрэллэр. Каталогтан 150-тан тахса куурустар аhыллыбыттар, эбиитин кинилэр ахсааннара мэлдьи элбии турар, онон талар кыах баар.
Уруоктар нэдиэлэҕэ иккитэ буолаллар.
Бу бырайыагы Арассыыйа сыыппараҕа министиэристибэтэ «Сыыппара экэниэмикэтэ» национальнай бырайыак чэрчитинэн олоххо киллэрэр. «Инники кода» бырайыак эпэрээтэрэ — Вадим Медведев риэктэрдээх Университет 2035.
Саҥа нобуорунан куурустарга дойду 140-ча тыhыынча ыччата киирэр кыахтаах. Сайаапкалары балаҕан ыйын 30 күнүгэр диэри ылаллар.
Куурустарга бырагыраамалааhын уобалаhыгар дириҥ билиини уонна сатабылы ылыахха сѳп. Ол, биллэн турар, ЕГЭҕэ уонна ОГЭҕа, олимпиадаларга, куонкурустарга уонна хакатоннарга бэлэмнэнэргэ, инники идэни таларга олус кѳмѳлѳѳх.
Куурустары бүтэрбит оскуола үѳрэнээччилэригэр уонна кэллиэстэр устудьуоннарыгар сэртипикээттэр туттарыллаллар.
-
0
-
0
-
0
-
0
-
0
-
1
