Оттук кэмэ өрөспүүбүлүкэ үрдүнэн саҕаланан, билигин Ростехнадзор эппит итэҕэстэрин-быһаҕастарын туоратыы үлэтэ ыытыллар. Эбийиэктэр кыстыкка бэлэмнэрин туһунан туоһулуур пааспардары сылааһы туһанааччылар балаҕан ыйын 15 күнүгэр, сылааһынан хааччвыйа тэрилтэлэр алтынньы 1 күнүгэр, оттон муниципальнай тэриллиилэр алтынньы 15 күнүгэр диэри оҥорон биэриэхтээхтэрэ, үөскүүр боппуруостары хомунаалынай сулууспалар уталыппакка быһаарыах тустаахтара өссө төгүл санатылынна.
Салгыы Дьокуускайга, Нерюнгрига уонна Тиксиигэ хапытаалынай өрөмүөн ыытылла турар оскуолаларын сылааһынан хааччыйыы туругун туһунан отчуот истилиннэ. Тиксиигэ элбэх кыбартыыралаах уопсай дьиэ биир кыбартыырата хатанан турар буолан, сылаас сорох подьезка эрэ бэриллибит. Атыттарга, ол иһигэр хапытаалынай өрөмүөн ыытыллар эбийиэктэригэр, барыларыгар сылаас тардылыга суох бэриллибит.
-
0
-
0
-
0
-
0
-
0
-
0
