Издательский дом Редакция Подписка
Погода в Якутске: . 25 oC

 Ил Түмэн Бэрэссэдээтэлин солбуйааччы-байыаннай сулууспалаахтар, байыаннай дьайыылар бэтэрээннэрин дьыалаларыгар,  патриотическй иитиии уонна уопсастыбаннай тэрилтэлэр боппуруостарыгар сис кэмитиэт бэрэссэдээтэлэ Александр Подголов салайан ыыппыт “Үөрэх уонна култуура тэрилтэлэригэр сиэр-майгы уонна духуобунай, православнай иитии туһунан”  төгүрүк остуолугар тустаах биэдэмистибэлэр бэрэстэбиитэллэрин таһынан, Дьокуускайдааҕы уонна Өлүөнэтээҕи епархия үлэһиттэрэ, уопсастыбаннай түмсүүлэр актыбыыстара кыттыыны ыллылар.   

 Ил Түмэн Бэрэссэдээтэлин солбуйааччы-байыаннай сулууспалаахтар, байыаннай дьайыылар бэтэрээннэрин дьыалаларыгар,  патриотическй иитиии уонна уопсастыбаннай тэрилтэлэр боппуруостарыгар сис кэмитиэт бэрэссэдээтэлэ Александр Подголов салайан ыыппыт “Үөрэх уонна култуура тэрилтэлэригэр сиэр-майгы уонна духуобунай, православнай иитии туһунан”  төгүрүк остуолугар тустаах биэдэмистибэлэр бэрэстэбиитэллэрин таһынан, Дьокуускайдааҕы уонна Өлүөнэтээҕи епархия үлэһиттэрэ, уопсастыбаннай түмсүүлэр актыбыыстара кыттыыны ыллылар.   

Сүрүн иһитиннэриини  үөрэх миниистирин бастакы солбуйааччы Алевтина Аргунова оҥордо. Гражданскай-патриотическай иитии федеральнай уонна өрөспүүбүлүкэтээҕи бырайыактарынан үлэ былааннаахтык ыытыллар. Патриотическай иитиини сүрүннүүр  Сэбиэт үлэлиир. Өрөспүүбүлүкэ үрдүнэн 289 байыаннай-патриотическай кулуупка 12 054 оҕо, 231 эдэр армеецтар этэрээттэригэр 8 276 оҕо, 11 көрдүүр этэрээккэ 179 оҕо, 12 кадетскай кылааска 301 оҕо, 5 казак кылааһыгар 153 оҕо дьарыктанар. Кинилэр үлэлэрин  бастыҥ уопут түмүллэн таһаарыллыбыт  “Патриотическай иитии төрүттэрэ” диэн методическай босуобуйанан сирдэтэр эбиттэр.   

заммин_О.jpeg

Хос иһитиннэриини култуура уонна духуобунай сайдыы миниистирин бастакы солбуйааччы Мария Турантаева  оҥордо. Үүнэр сүһүөх ыччаты сиэр-майгы уонна духуобунас өттүнэн иитии итиэннэ омуктар икки ардыларыгар эйэлээх сыһыаны бөҕөргөрүү үлэтэ анал дьаһаллары, быыстапкалары тэрийии уонна оскуолатааҕы тыйаатырдары кытары бииргэ үлэлээһин чэрчитинэн ыытыллар.    

Дьокуускайдааҕы епархия сэкирэтээрэ, Преображенскай кафедральнай собуор настоятелэ, куораттааҕы уокурук былачыыннайа Иеромонах Никандр иитэр-үөрэтэр тэрилтэлэргэ  духуобунай, православнай иитии чэрчитинэн, итэҕэл култууратын уонна светскэй этика төрүттэрин (ОРКСЭ), Арассыыйа норуоттарын  духуобунай култуураларын төрүттэрин үөрэтии көдьүүстээҕин быһаарда. ОРКСЭ кууруһа уопсай орто үөрэхтээһин оскуоларыгар 2012 сылтан киллэриллэн, төрдүс кылааастан саҕалаан үөрэтиллэр.  Ол эрээри, бу куурус ФГОС-ка учуоттамматах, инньэ гынан, ким баҕалаах эрэ үөрэтэр эбит.

монах.jpeg

Сибэтиитэл Иннокентий православнай гимназиятын дириэктэрэ Виталий аҕабыыт  гимназия ханнык бырагырааманан салайтаран үлэлиирин-хамсыырын туһунан кэпсээтэ.       

Норуот дьокутааттара кэккэ ыйытыылары биэрэн, чопчу хардалары иһиттилэр.  Иван Данилов Арассыыйа  сиэр-майгы уонна духуобунай өттүнэн сыаннастарыгар тирэҕирэн, эргиччи сайдыылаах, социальнай эппиэтинэстээх ыччаты иитэн таһаарарга туһуламмыт национальнай бырайыагы ырытан оҥорорго эттэ. Дьокуускай куорат дууматын Бэрэссэдээтэлин бастакы солбуйааччы Евдокия Евсикова бу эйгэҕэ оскуолалар ыытар үлэлэрин  көҕүлүүргэ кэлим сыһыан ирдэнэрин бэлиэтээтэ.   Духуобунас академиятын бэрэсидьиэнэ Леонид Владимиров сиэр-майгы уонна духуобунай өттүнэн нуучча литературатын классиктарын  айымньылара улахан оруоллаахтар диэтэ.  

Хаартыскаҕа  Василий Кононов (Ил Түмэн) түһэриитэ 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением