Кинилэр кэккэлэригэр Саллааттар уонна мотуруостар төрөппүттэрин өрөспүүбүлүкэтээҕи кэмитиэтин салайааччы Мария Емельянова баар. Дьон-сэргэ ытыктаан, «Саллааттар ийэлэрэ» диэн ааттыыр, сулууспаҕа сылдьар оҕолоохтор, кэргэннээхтэр Айыыһыт кэриэтэ көрөр ытык киһилэрэ Уопсастыбаннай балаата чилиэнинэн үһүс төгүлүн талылынна!
Мария Егоровна пленарнай мунньах эрэ иннинээҕи күн Москубаттан кэлбитэ. Анал байыаннай дьайыы саҕаланыаҕыттан, кини соҕуруу тоҕус төгүл бара сырытта.
Госпиталларга сылдьан, уолаттары көрсөр, туохха наадыйалларын билсэр, тустаахтарга тиэрдэн, көмө тэрийэр. Бу икки сыл устата 28 госпиталга сырытта. Мария Егоровнаны кытары сэһэргэһиини «Ил Түмэн» хаһыакка сиһилии ааҕыаххыт.
-
4
-
0
-
0
-
0
-
0
-
0
